Coordenadas: 22°S 17°L / -22, -17

República de Namibia
Republic of Namibia Republiek van Namibië
Bandeira Escudo
Lema: Unity - Liberty - Justice' (inglés: Unidade – Liberdade - Xustiza)
Himno: Namibia, Land of the Brave
Capital  • Poboación	Windhoek 228 500 (2003)
Cidade máis poboada	Windhoek
Linguas oficiais	Inglés 1
Forma de goberno	República
Presidente Primeiro ministro	Hage Geingob Saara Kuugongelwa
Independencia de Suráfrica	21 de marzo de 1990
Superficie	Posto 34º
• Total	825 418 km²
• % auga	Desprezable
Fronteiras	3 824 km
Costas	1 572 km
Poboación	Posto 142º
• Total	2 030 692 hab.
• Densidade	2,5 hab./km²
PIB (nominal)
• Total	n/d
• per cápita	n/d
PIB (PPA)	Posto 127º
• per cápita	6 658 US$
Moeda	Dólar namibio ou namibiano (NAD)
IDH	n/d
Xentilicio	Namibio, namibia [1] ou namibiano, namibiana [2]
Fuso horario	UTC + 1
• Horario de verán	UTC + 2
Dominio de Internet	.na
Prefixo telefónico	+264
Prefixo radiofónico	V5A-V5Z
Código ISO	516 NAM NA
1 A maioría da poboación branca fala alemán ou afrikáans. Ambas linguas foron idiomas oficiais ata 1990, cando o país logrou a independencia
v c e

Namibia é un país da África Austral, limitado ao norte por Angola e por Zambia, ao leste e ao sur por Botswana, ao sur pola Suráfrica e ao oeste polo Océano Atlántico. Capital: Windhoek.

Historia |

Os primeiros habitantes de Namibia foron probabelmente os san (bosquimanos), seguidos dos namas e dos damaras. A partir do século XIV entraron na rexión diversos grupos bantús, entre os que se encontraban os hereros e os ovambos.

Os primeiros europeos que alcanzaron o país foron os portugueses. O interior do país foi explorado polos europeos durante o século XIX. En 1884 Alemaña creou no país unha colonia co nome de África Suroccidental Alemá, que tamén se coñeceu como África do Suroeste Alemá (Deutsch-Südwestafrika), coa excepción do territorio en torno a Walvis Bay que foi posesión británica.

Suráfrica, dominio británico, ocupou Namibia durante a Primeira Guerra Mundial e logo administrou o país como un mandato da Sociedade de Nacións até a Segunda Guerra Mundial, momento no que as autoridades surafricanas anexionaron directamente o territorio. En 1966 a organización SWAPO (South-West African People's Organization), de inspiración marxista, iniciou unha guerrilla independentista contra as forzas surafricanas, e no mesmo ano a ONU revogou o mandato que a Sociedade de Nacións outorgara a Suráfrica para administrala. No ano 1988, Suráfrica decidiu pór fin ao seu control aceptando un plano de paz da Organizacións das Nacións Unidas, que conduciu á plena independencia de Namibia en 1990. A rexión de Walvis Bay permaneceu sob control surafricano como enclave, pero finalmente foi cedido a Namibia en 1994.

Política |

Namibia é unha república parlamentarista. O presidente é o Xefe de Estado, elixido por sufraxio universal a cada 5 anos. O xefe de goberno é o Primeiro Ministro, nomeado polo presidente.

O parlamento é bicameral e composto polo Consello Nacional (National Council) de 26 membros elixidos a cada 6 anos, e a Asemblea Nacional (National Assembly) de 78 membros, sendo 72 elixidos a cada 5 anos e outros seis designados polo presidente.

A constitución do país é de 21 de marzo de 1990, día da independencia do país.

Xeografía |

Mapa de Namibia, co súas principais cidades.

Relevo |

O litoral namibio é pouco recortada e está ocupada polo deserto de Namibia nunha franxa duns 50 km de anchura media. Desde aí érguense unha serie de cadeas montañosas, en parte transversais e en parte paralelas á costa, que en determinados puntos da parte central superan os 2.000 m de altitude (Brandberg, 2.606 m; Monte Erongo, 2.350 m; Gonsberg, 2.332). Unha serie de ríos curtos baixan desde estes cordais cara o Océano Atlántico, creando varios ríos transversais, pero dada a sequidade do clima, a maioría non chegan até o mar, formando porén lagoas endorreicas pantanosas no mesmo deserto, pero son moi importantes para a subsistencia da flora e a fauna. Só algúns destes cursos como o río Ugab ou o Kuiseb desaugan no mar.

Tras as cadeas montañosas érguese un extenso planalto, entre 800 e 1.200 m de altura media, que ocupa o centro do país desde o norte ao sur. Nel aséntase a capital, Windhoek, a máis de 1.600 m de altitude.

Hidrografía |

A costa de Namibia está limitada por dous grandes e caudalosos ríos: ao norte o Cunene, que serve de fronteira con Angola e ao sur o Orange, que fai o mesmo papel a respecto da República Surafricana. Como a zona norte é a única do país que supera os 500 mm anuais de precipitacións, xunto con o Cunene e tributarios do gran río endorreico internacional, o Okavango, é o único territorio namibio onde é posíbel o agro (millo, sorgo) e a gandeiría. No sur o Oranxe ten algún gran afluente como o Fish, pero por contra penetra, polo leste, o deserto de Kalahari.

Subdivisións |

Namibia está subdividida en 13 rexións.

1. Caprivi


2. Erongo


3. Hardap


4. Karas


5. Kavango


6. Khomas


7. Kunene


8. Ohangwena


9. Omaheke


10. Omusati


11. Oshana


12. Oshikoto


13. Otjozondjupa

Economía |

Demografía |

Muller himba orixinaria de Namibia.

Namibia é un país con cerca de 1.500.000 habitantes, concentrados sobre todo no Norte e na zona da capital. A densidade de poboación é moi reducida ou mesmo nula, como no caso da rexión da Costa dos Esqueletos. A taxa de natalidade é alta, mais a porcentaxe de individuos seropositivos atinxe preto do 15%, polo que non se espera un grande crecemento nos próximos anos.

Notas |

Véxase tamén |

Wikimedia Commons ten máis contidos multimedia na categoría:  Namibia

Bibliografía |

• 
  Vedder, Heinrich (1997). Das alte Südwestafrika. Südwestafrikas Geschichte bis zum Tode Mahareros 1890 (en alemán) (7ª ed.). Windhoek: Namibia Scientific Society. ISBN 0-949995-33-9. 
  

v c e Países do mundo - África Países Alxeria • Angola • Benín • Botswana • Burkina Faso • Burundi • Cabo Verde • Camerún • Chad • Cimbabue • Comores • República do Congo • R.D. do Congo • Costa do Marfil • Djibuti • Eritrea • Etiopía • Gabón • Gambia • Ghana • Guinea • Guiné-Bissau • Guinea Ecuatorial • Lesoto • Liberia • Libia • Madagascar • Malaui • Malí • Marrocos • Mauricio • Mauritania • Mozambique • Namibia • Níxer • Nixeria • Kenya • República Centroafricana • Ruanda • San Tomé e Príncipe • Seychelles • Senegal • Serra Leoa • Somalia • Somalilandia • Suacilandia • Suráfrica • Sudán • Sudán do Sur • Tanzania • Togo • Tunisia • Uganda • Zambia Países con parte africana Exipto Outros territorios Illas Canarias • Ceuta - Madeira - Mayotte - Melilla • Reunión - Sáhara Occidental