Bovinos Bovinae Touros, búfalos e afins Rango fósil: mioceno - actualidade
Búfalos aficanos (Syncerus caffer) en Kenya
Estado de conservación
Pouco preocupante
Clasificación científica
Reino: Animalia Filo: Chordata Subfilo: Vertebrata Clase: Mammalia Orde: Artiodactyla Suborde: Ruminantia Infraorde: Pecora Familia: Bovidae Subfamilia: Bovinae Gray, 1821
Tribos
Bovini Boselaphini Strepsicerotini

Nilgó (Boselaphus tragocamelus).

A dos bovinos (Bovinae) é unha subfamilia de mamíferos artiodáctilos ruminantes pertenente á familia dos bóvidos.

Consta de 10 xéneros cunhas 25 especies,^[1] distribuídas en tres tribos.

Aspectos xerais |

Os bovinos son ruminantes distribuídos por todos os continentes, e teñen unha enorme importancia económica como fonte de carne e leite para o home. Son ungulados de tamaño medio a grande, e inclúen o boi doméstico, os bisontes, os búfalos, o iac, os antílopes de catro cornos (boselafinos) e os de cornos espiralados (estrepsicerotinos), como os eláns.

As relacións evolutivas entre os membros do grupo son escuras, e a súa clasificación en tribos reflicte esta incerteza. As características xerais inclúen a presenza de cascos e xeralmente polo menos un dos sexos de cada especie teñen cornos "verdadeiros".

A tribo dos boselafinos (Boselaphini) ou antílopes de catro cornos inclúe os últimos sobreviventes con formas moi similares ás dos antepasados de toda a subfamília. As dúas especies actuais da tribo teñen características anatómicas e comportamentais semellantes e as femais non teñen cornos. Son nativos dos bosques da India ou das sabanas arbustivas e arboradas africanas, e tenden a evitar planicies abertas. O nilgó foi introducido no sur de Texas, onde unha poboación de pouco máis de dez mil animais proporciona algunha seguranza para a súa supervivencia.

A tribo dos bovininos (Bovini) está composta por grandes animais que pastan nas praderías, incluíndo animais de significativa importancia económica, como o gando doméstico, os búfalos, o iac, así como outros parentes asiáticos menores, e grandes bovinos salvaxes como o búfalo africano e o bisonte americano.

Os membros das tribos dos Boselaphini e dos Bovini son na súa maioría asiáticos, entanto que os membros da tribo dos Strepsicerotini, os antílopes de cornos espiralados, encóntranse soamente en África. Os membros deste grupo tenden a ter tamaño grande, pescozo longo e dimorfismo sexual considerábel. Sete das súas nove especies están clasificadas como de baixo risco, pero precisan medidas de conservación, mentres que as dúas restantes, o elán común ou do Cabo e o grande elán están seguros.

Clasificación |

Bisonte americano (Bison bison) no Parque Nacional de Yellowstone.

Vaca e touro da raza limiá, de Galicia, robustos animais semellantes ao uro (Bos primigenius), utilizados, canda outras razas, no proxecto TaurOs que trata de recrear esta especie extinguida, antecesora do gando bovino doméstico.

Grande elán (Taurotragus derbianus).

Segudo Mammal Species of the World a subfamilia dos bovinos está integrada polos xéneros e especies que se listan a continuación.^[2] Inclúese Bos gaurus recoñecido pola IUCN.^[3][4]

Subfamilia Bovinae

• 
  Tribo Bovini
  
  • Xénero Bos
    
    • 
      Bos primigenius (†) - uro
      
    
    
    • 
      Bos javanicus - banteng
    
    
    • 
      Bos gaurus - gauro
    
    
    • 
      Bos frontalis - gaial (gauro doméstico)
    
    
    • 
      Bos grunniens - iac
    
    
    • 
      Bos taurus - boi doméstico (considerado cada vez máis como subespecie de Bos primigenius)
    
    
    • 
      Bos indicus - cebú
    
    
    • 
      Bos sauveli - cuprei
    
    
  
  
  • Xénero Bison - bisontes
    
    • 
      Bison bison - bisonte americano
    
    
    • 
      Bison bonasus - bisonte europeo
    
    
  
  
  • Xénero Bubalus
    
    • 
      Bubalus bubalis -búfalo acuático
    
    
    • Bubalus depressicornis - anoa das chairas
    
    
    • Bubalus quarlesi - anoa de montaña
    
    
    • 
      Bubalus mindorensis - tamarao
    
    
  
  
  • Xénero Pseudoryx
    
    • 
      Pseudoryx nghetinhensis - saola
  
  
  • Xénero Syncerus
    
    • 
      Syncerus caffer - búfalo africano ou búfalo cafre
  
  


• 
  Tribo Boselaphini
  
  • Xénero Boselaphus
    
    • 
      Boselaphus tragocamelus - nilgó
  
  
  • Xénero Tetracerus
    
    • 
      Tetracerus quadricornis - antílope de catro cornos
  
  


• 
  Tribo Strepsicerotini
  
  • Xénero Tragelaphus
    
    • 
      Tragelaphus eurycerus - bongo
    
    
    • 
      Tragelaphus strepsiceros - gran cudú
    
    
    • 
      Tragelaphus scriptus - antílope xeroglífico
    
    
    • 
      Tragelaphus imberbis - cudú menor
    
    
    • 
      Tragelaphus buxtoni - niala de montaña
    
    
    • 
      Tragelaphus spekii - sitatunga
    
    
  
  
  • Xénero Taurotragus
    
    • 
      Taurotragus oryx - elán do Cabo
    
    
    • 
      Taurotragus derbianus - grande elán ou antílope de Derby
    
    
  
  

Notas |

Véxase tamén |

Wikimedia Commons ten máis contidos multimedia na categoría:  Bovinos

Wikispecies posúe unha páxina sobre:  Bovinos

Bibliografía |

• Dorst, J. & Dandelot, P. (1973): Guía de campo de los mamíferos salvajes de África. Barcelona: Ediciones Omega, S. A.


• Haltenorth, T. & Diller, H. (1986): A Field Guide of the Mammals of Africa including Madagascar. London: William Collins Sons & Co Ltd. ISBN 0-00-219778-2.


• Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.


• Wilson, D. E. & D. M. Reeder, editors (2005): Mammal species of the world: a taxonomic and geographic reference. Third edition. The Johns Hopkins University Press. Baltimore, Maryland, USA. ISBN 0-8018-8221-4.

Outros artigos |

• Artiodáctilos


• Ruminantes


• Bóvidos

Ligazóns externas |

• 
  Bovinae na ADW (en inglés).


• 
  Bovinae na EOL (en inglés).


• 
  Bovinae no NCBI.