Búfalo africano Índice Características | Bioloxía | Distribución e hábitat | Depredadores | Taxonomía | Notas | Véxase tamén | Menú de navegación"Syncerus caffer"El Búfalo Cafre (Syncerus caffer)Wilson & Reeder (2005): Mammal Species of the World. Third editioncaffer Sparmaen, 1799 described in BosDe cafres e Cafraria, rigor, ofensas e lexicologiaSyncerusSyncerusSyncerusSyncerusEl Búfalo Cafre (Syncerus caffer)Syncerus cafferSyncerus cafferSyncerus cafferSyncerus cafferSyncerus cafferID4140575-4SyncerusID56781SYKRCA1497192441034424051058751818384721251142007079970
BovinosAnimais descritos en 1779
especiemamíferoartiodáctiloruminantefamiliabóvidosbosquessabanasÁfrica subsaharianapelaxebovinosdimorfismo sexualÁfrica centralsabanasxestacióndepredadoresSaharaSenegalSudánEtiopíaSuráfricahomeleóncrocodilo do Niloleopardoshienas1847naturalistabritánicoBrian Houghton Hodgsongrego antigo1779naturalistasuecoAnders Erikson SparrmanportuguésárabeSuráfrica
Búfalo africano
Saltar ata a navegación
Saltar á procura
Syncerus caffer Búfalo africano / Búfalo cafre | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Búfalo africano | |||||||||||||||||||||||||||
Estado de conservación | |||||||||||||||||||||||||||
 Pouco preocupante[1] | |||||||||||||||||||||||||||
Clasificación científica | |||||||||||||||||||||||||||
| |||||||||||||||||||||||||||
Nome binomial | |||||||||||||||||||||||||||
Syncerus caffer Sparrman, 1779 | |||||||||||||||||||||||||||
 Distribución de Syncerus caffer | |||||||||||||||||||||||||||
| Rspecie (bioloxía) | |||||||||||||||||||||||||||
| |||||||||||||||||||||||||||
O búfalo africano,[2] ou búfalo cafre (Syncerus caffer) é unha especie de mamífero artiodáctilo ruminante da familia dos bóvidos[3] que habita nos bosques e sabanas da África subsahariana, especialmente ao leste do continente.
Índice
1 Características
2 Bioloxía
3 Distribución e hábitat
4 Depredadores
5 Taxonomía
5.1 Subespecies
6 Notas
7 Véxase tamén
7.1 Bibliografía
7.2 Outros artigos
7.3 Ligazóns externas
7.3.1 Xénero Syncerus
7.3.2 Especie Syncerus caffer
Características |
Parella de búfalos africanos no P. N. doSerengeti, Tanzania.
Búfalo africano macho.
Cranio de búfalo africano.
Manda de búfalos africanos.
Búfalo africano na Ngorongoro Conservation Area, Tanzania.
De corpo moi grande e mazizo, pesado e con patas vigorosas, con aspecto que recorda ao do gando vacún, co fociño grande, ancho, espido e húmido, e cornos moi macizos e unidos nas bases.[4]
O seu tamaño é algo menor ao do seu parente o búfalo aisático (Bubalus bubalis bubalis), con quen comparte subtribo, aínda que segue a ser impoñente, xa que ten unha lonxitude de cabeza e tronco de entre 2,1 e 3,4 m, e unha altura na cruz de entre 1 e 1,7 m,[4][5][6] e pode pesar até 800 ou mesmo 900 kg (os espécimes que viven nas sabanas; os que habitan nas selvas, só até os 320 kg).[4][5][6]
Os cornos, presentes en ambos os sexos, son grosos e moi desenvolvidos, moi anchos nas bases, macizas e soldadas entre si, e curvados cara a arriba nos extremos, rematados en punta. Os das femias están menos desenvolvidos. O tamao dos cornos, a coloracoión xeral e a forma son moi variábeis segundo as subespecies.[4] A envergadura dos cornos (distancia entre as puntas) pode alcanzar nos machos un metro.
As patas son fortes e vigorosas, o pescozo máis ben curto, e o fociño ancho e espido. As orellas son grandes.[4]
O corpo está cuberto cunha pelaxe de cor parda escura ou negra, rara e cos pelos de escasa lonxitude nos adultos (pero ben poboada nos individios novos);[4] os pelos só son longos en todos os espécimes no extremo da cola e nos bordos das orellas. Nos individuos novos a coloración da pelaxe é en xeral más parda ou avermellada.[4]
Ao igual que na maior parte dos bovinos, esta especie tamén presenta dimorfismo sexual, sendo as femias de menor tamaño, cor máis clara e cos cornos máis pequenos.
Bioloxía |
Os machoa maduran sexualmente antes que as femias, contra os cinco anos de idade, mentres que as femias alcanzan a madurez aos oito anos.
Os búfalos africanos son animais gregarios, que se agrupan en mandas de tamaño variábel, desde 4 oi 5 individuos nas zonas boscosas de África central, a miles nas sabanas do leste do continente. Os machos ocupan as marxes do grupo, mentres que as femias e as crías (normalmente unha por parto tras unha xestación de 300 a 330 días) concéntranse no interior, onde corren menos perigos. As mandas contan cun grupo de machos vellos que a guían e a alertan dos depredadores.[7]
Distribución e hábitat |
A área de dispersión do búfalo africano é bastante extensa, pero moi fragmentada. A partir do sur do Sahara esténdese desde o Senegal ao Sudán, e até Etiopía, abarcando a zona de selva ecuatorial, isto é, por todca a parte central do continente.[8] Polo sur chega até Suráfrica (Véxase mapa na caixa de clasificación na parte superior esquerda do artigo).
Estes ruminantes prefiren as chairas á montaña, e establécense case sempre en zonas nas que abunde a auga, xa que non poden prescindir dela en absoluto; Porén, en casos extremos confórmanse coa lama.[8]
Depredadores |
Dado o seu tamaño e o seu mal carácter (sobre todo cando están feridos), os búfalos africanos carecen de depredadores, salvo o home, o león e o crocodilo do Nilo. Os leopardos e as hienas depredan ocasionalmente sobre as crías que se afastan demasiado da manda, aínda que isto no sucede con frecuencia.[6]
Taxonomía |
O xénero Syncerus foi establecido en 1847 polo administrador colonial, etnólogo e naturalista británico Brian Houghton Hodgson.
O nome Synceus deriva do elemeto de composición do grego antigo συν- syn-, derivado do adverbio σύν sýn, "xuntamente", "á vez", "ao mesmo tempo", e a palabra κέρασ kéras, "corno", aludindo á unión dos cornos destes animais na base.
A especie fora descrita moito antes, en 1779, polo naturalista sueco Anders Erikson Sparrman, baixo o nome de Bos caffer,[9]
na páxina 79 da súa obta "Bos Caffer, et nytt Species af Buffel, från Caput Bonæ Spei", publicada en Kongliga Vetenskaps Academiens Handlingar 40 (1-3): 79-84. Stockholm.[10] Posteriormente foi reclasificada dentro do xénero Syncerus, como Syncerus caffer, nome que se conservou até hoxe.
O nome caffer Sparrman tirouno do portugués antigo cáfer, que á súa vez o tomou do árabe كافر, káfir, "infiel", "incrédulo", que os comerciantes árabes aplicaban aos nativos das rexións bantús de Suráfrica.[11][12]
Subespecies |
A sistemática do búfalo africano suscitou moitas discusións debido á gran variabilidase da especie.[4] Por iso hai diferentes clasifficacións das subespecies, desde aurires que recoñecen só tres, S. c. brachycerus, S. c. caffer e S. c. nanus,[5][13] (véxase o mapa máis arriba) a outros que admien catro, ou cinco, como fan a maioría dos autores, entre eles Wison & Reeder:[3]
Syncerus caffer caffer - búfalo negro, búfalo do Cabo
Syncerus caffer aequinoctialis - búfalo do Nilo
Syncerus caffer brachyceros - búfalo do Sudán
Syncerus caffer matthewsi - búfalo de montaña (Habita en zonas montañosas, e non está universalmente recoñecido)
Syncerus caffer nanus - búfalo anano, búfalo de bosque
Notas |
↑ "Syncerus caffer". Lista Vermella de especies ameazadas. (en inglés). Unión Internacional para a Conservación da Natureza.
↑ Sánchez García, L.; M. Vallejo Vicente; A. Iglesia Becerra; F. Álvarez Yebra; M. Fernández Rodríguez e J. M. Salgado López (1992): Razas bovinas autóctonas de Galicia. I Razas morenas galegas (cachena, caldelá, frieiresa, limiá e vianesa). Recursos xenéticos a conservar. Santiago: Xunta de Galicia.
↑ 3,03,1 Wilson & Reeder (2005): Mammal Species of the World. Third edition.
↑ 4,04,14,24,34,44,54,64,7 Dorst, J. & Dandelot, P. (1973), pp. 279-280.
↑ 5,05,15,2 Haltenorth, R. & Doller, H. (1986), pp. 106-108.
↑ 6,06,16,2 Nowak, Ronald M. (1999): Walker's mammals of the world. Volume 1, 6ª ed. Baltimore, Maryland, EE. UU.: The Johns Hopkins University Press. ISBN 978-0-8018-5789-8.
↑ Hanák, Vladimír & Mazák, Vratislav (1991): Enciclopedia de los Animales. Mamíferos de todo el Mundo. Madrid: Editorial Susaeta. ISBN 84-305-1967-X.
↑ 8,08,1 El Búfalo Cafre (Syncerus caffer) en Zoowebplus.
↑ Wilson & Reeder (2005): Mammal Species of the World. Third edition
↑ caffer Sparmaen, 1799 described in Bos en AnimalBase page SUB Göttingen. Species taxon symmary.
↑ De cafres e Cafraria, rigor, ofensas e lexicologia en blog de Vítor Santos Lindegaard Svendborg, Fyn, Denmark.
↑ Posteriormente a palabra cafre foi un termo ofensivo para designar a unha persoa de raza negra, especialmente na súa tradución inglesa, kaffir, na África do Sue e outros países africanos, onde é considerado denigrante. Orixinalmente era un termo neutro para designar aos negros africanos. Cafre, ou Cafreal, designa unha hipotética língua do pobo dunha rexión designada como a Cafrería, termo que, nos textos antigos, refírese a unha rexión moi extensa que se poderia definir como a parte coñecida polos europeos da África Austral. Hoxe, o dicionario da RAG dá para cafre estes singificados: cafre adxectivo 1. Da Cafrería (África do Sur) ou dos seus habitantes. 2. coloquial. Salvaxe, bárbaro. (tamén substantivo) 3. substantivo. Persoa natural ou habitante da Cafrería (África do Sur). 4. substantivo masculino. Persoa non musulmá.
↑ Syncerus no NCBI.
Véxase tamén |
 | Wikimedia Commons ten máis contidos multimedia na categoría: Búfalo africano  |
 | Wikispecies posúe unha páxina sobre: Búfalo africano |
Bibliografía |
- Dorst, J. & Dandelot, P. (1973): Guía de campo de los mamíferos salvajes de África, Barcelona: Ediciones Omega, S. A.
- Haltenorth, T. & Diller, H. (1986): A Field Guide of the Mammals of Africa including Madagascar. London: William Collins Sons & Co Ltd. ISBN 0-00-219778-2.
- Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
- Wilson, D. E., & Reeder, D. M. (editors) (2005): Mammal Species of the World — A Taxonomic and Geographic Reference. Third edition. ISBN 0-8018-8221-4.
Outros artigos |
- Bóvidos
- Bovinos
Ligazóns externas |
Xénero Syncerus |
Syncerus en Wilson & Reeder (2005): Mammal Species of the World. Third edition (en inglés)
Syncerus en ADW (en inglés)
Syncerus no NCBI (en inglés)
Especie Syncerus caffer |
El Búfalo Cafre (Syncerus caffer) en Zoowebplus (en castelán)
Syncerus caffer en Wilson & Reeder (2005): Mammal Species of the World. Third edition (en inglés)
Syncerus caffer en Ultom,ateUngulate.com (en inglés) Abundante información, fotos, mapa e referencias.
Syncerus caffer en ADW (en inglés) Sbundante información
Syncerus caffer no SIIT (en francés)
Syncerus caffer na Lista vermella da UICN (en inglés) Versión 2014.2
|
:
|
Categorías:
- Bovinos
- Animais descritos en 1779
(window.RLQ=window.RLQ||[]).push(function()mw.config.set("wgPageParseReport":"limitreport":"cputime":"0.428","walltime":"0.547","ppvisitednodes":"value":1761,"limit":1000000,"ppgeneratednodes":"value":0,"limit":1500000,"postexpandincludesize":"value":23109,"limit":2097152,"templateargumentsize":"value":2093,"limit":2097152,"expansiondepth":"value":11,"limit":40,"expensivefunctioncount":"value":14,"limit":500,"unstrip-depth":"value":0,"limit":20,"unstrip-size":"value":10714,"limit":5000000,"entityaccesscount":"value":15,"limit":400,"timingprofile":["100.00% 419.659 1 -total"," 42.65% 178.987 1 Modelo:Control_de_autoridades"," 21.33% 89.521 1 Modelo:Listaref"," 15.60% 65.483 1 Modelo:IUCN"," 14.79% 62.071 1 Modelo:Taxobox"," 14.75% 61.911 1 Modelo:Cita_web"," 13.10% 54.972 1 Modelo:Commonscat"," 13.05% 54.768 2 Modelo:Irmáns"," 12.18% 51.128 2 Modelo:Caixa_lateral"," 11.33% 47.536 1 Modelo:Taxobox/núcleo"],"scribunto":"limitreport-timeusage":"value":"0.186","limit":"10.000","limitreport-memusage":"value":5145828,"limit":52428800,"cachereport":"origin":"mw1339","timestamp":"20190330191915","ttl":2592000,"transientcontent":false););"@context":"https://schema.org","@type":"Article","name":"Bu00fafalo africano","url":"https://gl.wikipedia.org/wiki/B%C3%BAfalo_africano","sameAs":"http://www.wikidata.org/entity/Q160042","mainEntity":"http://www.wikidata.org/entity/Q160042","author":"@type":"Organization","name":"Contribuidores dos projetos da Wikimedia","publisher":"@type":"Organization","name":"Wikimedia Foundation, Inc.","logo":"@type":"ImageObject","url":"https://www.wikimedia.org/static/images/wmf-hor-googpub.png","datePublished":"2014-10-06T11:45:51Z","dateModified":"2019-03-30T19:19:15Z","image":"https://upload.wikimedia.org/wikipedia/commons/c/cb/African_Buffalo.JPG"(window.RLQ=window.RLQ||[]).push(function()mw.config.set("wgBackendResponseTime":187,"wgHostname":"mw1240"););
