Estrepsicerotinos ou Traguelafinos Strepsicerotini vel Tragelaphini Rango fósil: mioceno medio – actualidade
Taurotragus oryx
Clasificación científica
Reino: Animalia Filo: Chordata Subfilo: Vertebrata Clase: Mammalia Orde: Artiodactyla Suborde: Ruminantia Infraorde: Pecora Familia: Bovidae Subfamilia: Bovinae Tribo: Strepsicerotini Simpson, 1945 ou Tragelaphini Ellerman et al., 1953 segundo os autores.[1]
Xéneros
Taurotragus Tragelaphus

A dos estrepsicerotinos (Strepsicerotini), ou traguelafinos (Tragelaphini), é unha tribo de mamíferos artiodáctilos ruminantes da familia dos bóvidos e subfamilia dos bovinos, que comprende especies que se encontran só no continente africano (a diferenza das dos boselafinos e dos bovininos, que son na súa maioría asiáticos).

Os membros deste grupo son antílopes de tamaño grande e constitución lixeira, co pescozo longo, e amosan un considerábel dimorfismo sexual (os machos exhiben grandes cornos enrolados en espiral e as femias carecen deles).

Sete das nove especies (reunidas en dous xéneros) que compende a tribo están lixeiramente ameazadas (as do xénero Tragelaphus), dependendo de medidas de conservación para a súa supervivencia, mentres que as outras dúas (as do xénero Taurotragus), o elán común e o grande elán ou antílope de Derby, son seguras.

Taxonomía |

• 
  Familia Bovidae Gray, 1821 ^[2]
  • Subfamilia Bovinae Gray, 1821 ^[3]
    • Tribo Strepsicerotini Simpson, 1945, ou Tragelaphini Ellerman et al., 1953.^[4]
      • Xénero Taurotragus Wagner, 1855 ^[5]
        • 
          Taurotragus derbianus Gray, 1847 - elán de Derby
        
        
        • 
          Taurotragus oryx Pallas, 1766 - elán común
        
        
      
      
      • Xénero Tragelaphus de Blainville, 1816 ^[6]
        • 
          Tragelaphus angasii Gray, 1849 - niala
        
        
        • 
          Tragelaphus buxtoni (Lydekker, 1910) - niala de montaña
        
        
        • 
          Tragelaphus eurycerus (Ogilby, 1837) - bongo
        
        
        • 
          Tragelaphus imberbis (Blyth, 1869) - cudú pequeno
        
        
        • 
          Tragelaphus scriptus (Pallas, 1766) - antílope xeroglífico
        
        
        • 
          Tragelaphus spekii Sclater, 1863 - sitatunga
        
        
        • 
          Tragelaphus strepsiceros (Pallas, 1766) - gran cudú
        
        
      
      

• O dimorfismo sexual é moi aparente


• 
  

  

  
  

  
  

  Tragelaphus strepsiceros ♂
  

  
  

  
  


• 
  

  

  
  

  
  

  Tragelaphus strepsiceros ♀
  

  
  

  
  

Controversia taxonómica |

Como queda dito na nota 1, Leakey, seguindo ao seu colaborador Simpson, considera o nome da tribo como Strepsicerotini, sendo o seu xénero tipo Strepsiceros Frisch, 1774. Porén, o Taxonomicon admite o nome de Tragelaphini, e o seu xénero tipo, Tragelaphus.^[7]

Peter Grubb, en "Review of Family-Group Names of Living Bovids", Journal of Mammalogy Vol. 82, No. 2 (May, 2001), pp. 374–388, revisa os autores e as datas de publicación dos grupos actualmente existentes dentro da familia dos bóvidos. Entre eles, Tragelaphini se debe atribuír a Blyth, 1863, non a Jerdon, 1874. E que Adenotinae (e Eleotraginae), Connochaetini, Nesotragini, Strepsicerotini, Sylvicaprinae e Tetracerini son sinónimos séniores (os primeiros, e que xeralmente deben ser conservados) de Reduncinae, Alcelaphini, Neotragini, Tragelaphini e Boselaphini, respectivamente. Neotragini e Reduncinae son nomena protecta (nomes que deben protexerse) e deben usarse preferentemente aos seus sinónimos séniores menos familiares. E que até que se confirme a súa validez, Boselaphini, Tragelaphini, Cephalophinae e Alcelaphinae tamén deben empregarse preferentemente aos seus sinónimos séniores. Polo tanto, este autor é partidario de usar Tragelaphini no canto de Strepsicerotini.

The Free Dictionary dá como sinónimo de Tragelaphus, a Strepsiceros (ver Tragelaphus no Free Dictionary). Porén, no moi autorizado libro de referencia Mammal Species of the World recóllese o xénero Tragelaphus, para o que non dá sinónimo ningún, strepsicerus recóllese como o nome específico dunha das especies do xénero (incidentalmente, cita a tribo dos Tragelaphini cando comenta que as liñaxes monofiléticas dentro da tribo non se propuxeron sobre a base da morfoloxía).^[6]

Pola súa parte, Malcolm McKenna e Susan K. Bell, na páxina 447 da súa obra Classification of Mammals. Above the Species Level, consideran que o xénero Tragelaphsu inclúe a Strepsiceros.^[8]

De calquera xeito, se a tribo está formada polos xéneros Taurotragus e Tragelaphus, como aquí se indica, o procedemento normal para construír os nomes das tribos é facelo sobre a raíz do nome do seu xénero tipo, Tragelaphus (ou, na outra opción, Strepsiceros), engadíndolle a desinencia do latín científico -ini.

Filoxenia |

Bovinos |

Relacións filoxenéticas dos bovinos, segundo F. Bibi, 2013.^[9]

Traguelafinos |

Relaciónes filoxenéticas dos traguelafinos tiradas de análises combinadas de todos os datos moleculares, segundo Willows-Munro et al., 2005.^[10]

Notas |

Véxase tamén |

Bibilografía |

• Kingdon, J. (2015): The Kingdon Field Guide to African Mammals. 2nd Edition. Princeton, Nova Jersey, USA: Princeton Univeristy Press. ISBN 978-0-6911-6453-3.


• 
  Leakey, L. S. B. (1967): Olduvai Gorge 1957-1961. Cambridge, UK: Cambridge University Press. ISBN 978-0-521-10517-0, p. 38.


• 
  McKenna, M. and Susan K. Bell (2000): Classification of Mammals. Above the Species Level. New York, NY, USA: Columbia University Press. ISBN 978-0-2311-1013-6.


• 
  Wilson, D. E. & Reeder, D. M. (eds.) (2005): Mammal Species of the World - A Taxonomic and Geographic Reference. Third edition. Baltimore, Maryland, USA: Johns Hopkins University Press, 2 vols. ISBN 978-0-8018-8221-0.

Outros artigos |

• Bovinos


• Antílopes


• Taurotragus


• Tragelaphus