2016 foi un ano común do calendario gregoriano, que comezou en venres. Foi declarado Ano Valle-Inclán en conmemoración do 150 aniversario do seu nacemento. O Día das Letras Galegas estivo adicado a Manuel María.

Acontecementos |

Xaneiro |

• 
  2 de xaneiro: Arabia Saudí executa corenta e sete persoas por terrorismo.^[1]


• 
  3 de xaneiro: Arabia Saudí rompe relacións diplomáticas con Irán a raíz das fortes protestas provocadas pola ejecución de Nimr Baqr al-Nimr.^[2]


• 
  4 de xaneiro: en India e Bangladés, rexístrase un terremoto de magnitude 6,9 na escala de Richter que deixa 10 mortos e 160 feridos.^[3]


• 
  5 de xaneiro: Na Asemblea Nacional de Venezuela asumen como deputados os 167 candidatos electos nas eleccións do 6 de decembro, dando inicio ao IV período lexislativo dese órgano.


• 
  6 de xaneiro: Corea do Norte detona a súa primeira arma nuclear de hidróxeno, despois de que Corea do Sur detectara un sismo dunha intensidade entre 4,5 e 5,1.^[4]


• 
  8 de xaneiro: na cidade de Los Mochis (México), o narcotraficante Joaquín Guzmán Loera «El Chapo Guzmán» é capturado por terceira vez nun operativo da mariña mexicana despois da fuga do 11 de xullo de 2015.^[5]


• 
  9 de xaneiro: en Barcelona (España), Artur Mas dimite e é substituído por Carles Puigdemont como candidato de Junts pel Sí á presidencia da Generalitat de Cataluña.


• 
  11 de xaneiro: en Zúrich (Suíza), o futbolista Lionel Messi gaña o seu quinto premio Balón de Ouro como «mellor xogador do ano 2015», tras derrotar nas votacións a Cristiano Ronaldo e ó seu compañeiro de equipo Neymar.


• 
  13 de xaneiro: Quedan constituídas as novas Cortes Xerais de España e arranca a XI lexislatura trala celebración de Eleccións Xerais o 20 de decembro.


• 
  14 de xaneiro:
  
  • Rexístranse en Yakarta, capital de Indonesia, 5 explosións nun centro comercial e varios tiroteos, que deixan un saldo de 5 mortos e 19 feridos. O Estado Islámico adxudicouse os atentados.
  
  
  • 
    Jimmy Morales asume como presidente de Guatemala.
  
  


• 
  15 de xaneiro: un atentado terrorista nun hotel en Uagadugú (Burkina Faso) deixa polo menos 29 persoas mortas e 30 feridos. Os grupos terroristas Al Qaeda del Magreb Islámico e Al Murabitun reivindican a súa autoría do atentado.


• 
  16 de xaneiro
  
  • Na cidade de Rosario (Arxentina) remata o Rally Dakar.
  
  
  • 
    Estados Unidos e a Unión Europea anuncian que levantan as sancións a Irán por cumprir o acordo nuclear.^[6]
  
  
  • Tricentenario da promulgación dos Decretos de Nueva Planta en Cataluña.
  
  


• 
  28 de xaneiro: A OMS anuncia un brote do virus de Zika.^[7]

Febreiro |

Onda gravitacional.

• 
  1 de febreiro: a Organización Mundial da Saúde (OMS) declara emerxencia internacional pola propagación do virus do Zika.


• 
  2 de febreiro Na Igrexa católica: Clausurarase o Ano da vida consagrada.


• 
  6 de febreiro: en Taiwán, un terremoto de 6,4 graos da Escala de Mercalli deixou máis de 500 feridos, 116 mortos e un desaparecido.


• 
  7 de febreiro: Corea do Norte lanza o seu segundo satélite ó espazo.

• 
  11 de febreiro: na cidade mexicana de Monterrei, prodúcese un enfrontamento entre dous grupos de reos no penal do Topo Chico, que deixou 52 mortos.
  
  • A Asemblea Nacional de Venezuela declara a 'crise humanitaria' pola agudizada situación de escaseza de alimentos no país.^[8]
  
  
  • Científicos anuncian a primeira detección de ondas gravitacionais predito pola teoría da relatividade xeral de Albert Einstein.^[9][10]
  
  
  • 
    Estados Unidos legaliza a circulación de coches autónomos en todo o seu territorio.
  
  


• 
  12 de febreiro: O papa Francisco e o patriarca ortodoxo Cirilo I reúnense no Aeroporto Internacional José Martí, da capital de Cuba, despois de 962 anos do Cisma de Oriente.^[11][12] Máis tarde o papa realizou unha visita oficial a México durante 5 días.^[13]


• 
  15 de febreiro: realízanse ataques aéreos sobre dous hospitais da cidade de Azaz, en Siria, houbo polo menos 22 mortos, 8 desaparecidos e decenas de feridos. Mentres que unha misión médica apoiada por Médicos sen Fronteiras, na cidade de Idlib, sufriu un bombardeo que provocou a morte de 7 traballadores e a desaparición de 8.^[14]
  • 
    Jocelerme Privert asume de forma interina a presidencia de Haití para convocar novamente á segunda volta das eleccións presidenciais, que se celebraron no mes de novembro.^[15][16]


• 
  16 de febreiro: Venezuela aproba o proxecto de lei de amnistía e reconciliación, que contempla unha amnistía para moitos políticos encarcerados dende 1999, cando o ex-presidente Hugo Chávez tomou posesión da presidencia. A oposición parlamentaria argumentou que os xuízos non se realizaron de forma imparcial. O actual xefe de Estado, Nicolás Maduro, dixo non estar disposto a promulgar a lei.^[17][18][19]

Lugar do ataque terrorista en Ankara.

• 
  17 de febreiro: un ataque terrorista contra o Exército de Turquía deixa 28 mortos e 16 feridos na capital, Ankara.^[20] Os Falcóns da Liberdade do Kurdistán, grupo terrorista kurdo escisionado do PKK, reivindicaron o atentado.^[21]


• 
  20 de febreiro Conclúe a visita do papa Francisco en México.


• 
  21 de febreiro: o ciclón Winston golpea as illas Fiyi.^[22]


• 
  22 de febreiro: o Estado Islámico lanza atentados terroristas na cidade siria de Homs e na capital Damasco, que deixan a 184 persoas mortas.^[23]


• 
  26 de febreiro: o suízo Gianni Infantino é electo novo presidente da FIFA.^[24]


• 
  27 de febreiro: comeza o alto o fogo en Siria, sumida na Guerra Civil, acordado por Estados Unidos e Rusia, xunto coas partes do conflito que cada un apoia. E excluíndo a organizacións terroristas como o Estado Islámico ou Jabhat al-Nusra (asociada a Al Qaeda).^[25]


• 
  29 de febreiro: Arxentina e varios fondos de inversión acredores, coñecidos como «fondos voitre», firmaron un principio de acordo para a resolución da disputa xudicial comezada en 2001, cando o país entrou en cesamento de pagos ou default, produto da grave crise económica de entón. O acordo tamén permitirá a Arxentina regresar ós mercados internacionais.^[26][27]

Marzo |

• 
  14 de marzo: a Axencia Espacial Europea e a Axencia Espacial Federal Rusa planean lanzar a articulación ExoMars Trace Gas Orbiter nunha misión a Marte.^[28]


• 
  19 de marzo: un avión que realizaba un voo regular internacional entre o Aeroporto Internacional de Dubai e o Aeroporto de Rostov esnafrouse nos arredores de Rostov do Don, en Rusia, na súa segunda tentativa de aterraxe e non houbo superviventes (62 mortos).


• 
  20 de marzo: en Tarragona, un accidente de autobús, no que viaxaban rapazas do Programa Erasmus, causa a morte de máis dunha ducia delas.


• 
  21 de marzo: un atentado terrorista con explosivos no aeroporto e no metro de Bruxelas causa máis de 30 mortos.

Abril |

• 
  3 de abril: máis dun cento de persoas morreron nun incendio durante un espectáculo de fogos de artificio nun templo no estado de Kerala, no sur da India.

Maio |

• 
  9 de maio: Tránsito de Mercurio.


• 
  14 de maio: Final do festival de Eurovisión 2016 en Estocolmo. Gañou Jamala, de Ucraína, co tema "1944".


• 
  19 de maio: un avión de pasaxeiros con orixe no Aeroporto de París-Charles de Gaulle e destino ao Cairo cae ao Mediterraneo con 66 persoas a bordo.

Xuño |

• 
  10 de xuño: inicio da Eurocopa 2016 en Francia
  


• 
  12 de xuño: nun club nocturno de Orlando, Florida, un home armado mata 49 persoas.


• 
  26 de xuño: celebráronse as décimo terceiras eleccións xerais en España.

Xullo |

• 
  9 de xullo: bicentenario da independencia da Arxentina. O papa Francisco visita a cidade de San Miguel de Tucumán para presidir o Congreso Eucarístico Nacional.


• 
  14 de xullo: Un camioneiro atropela intencionadamente os peóns no Paseo dos Ingleses de Niza, matando máis de 80 persoas.


• 
  25 de xullo ao 1 de agosto: en Cracovia (Polonia) celébrase a XIX Xornada Mundial da Xuventude coa presenza do papa Francisco.

Agosto |

• 
  5 de agosto: en Río de Xaneiro (Brasil) inaugúranse os Xogos Olímpicos de 2016.


• 
  21 de agosto: clausúranse os Xogos Olímpicos do Río de 2016.


• 
  24 de agosto: un terremoto na rexión italiana de Lacio produce máis de douscentos mortos, centos de feridos e cuantiosos danos materiais.

Setembro |

• 
  9 de setembro: No Porriño descarrila un tren da liña Vigo-Porto. Morreron catro persoas e resultaron feridas máis de corenta.


• 
  25 de setembro: Celébranse as décimas eleccións ao Parlamento de Galicia. O Partido Popular revalida a maioría absoluta.

Outubro |

• 
  10 de outubro:Tránsito do posible exoplaneta análogo á Terra KOI-4878.01.

Novembro |

• 
  8 de novembro: en EEUU celébranse eleccións presidenciais, resultando gañador Donald Trump.


• 
  8 de novembro: en Puerto Rico celébranse as eleccións xerais.


• 
  20 de novembro: un accidente ferroviario a uns 100 km de Kanpur, no estado indú de Uttar Pradesh, deixa máis de 140 mortos.

Decembro |

• 
  19 de decembro: Un camioneiro atropela intencionadamente os peóns en Berlín, matando unha ducia de persoas.

Mortes |

Xaneiro |

David Bowie finou con 69 anos.

• 
  1 de xaneiro, Natalie Cole, 65 anos, cantante estadounidense de R&B, fallo cardíaco.

• 
  Vilmos Zsigmond, 85 anos, director de fotografía húngaro, Oscar en 1977^[29].

• 
  2 de xaneiro, José Manuel Barros, 73 anos, antigo alcalde do Porriño, fallo multiorgánico^[30].

• 
  Michel Delpech, 69 anos, cantante francés, cancro de gorxa e de lingua^[31].

• 
  3 de xaneiro, Paul Bley, 83 anos, pianista de jazz canadense, causas naturais^[32].


• 
  6 de xaneiro, José Canosa Vidal, 106 anos, o segundo home máis vello de Galicia^[33].

• 
  Pierre Boulez, 90 anos, compositor francés.


• 
  Silvana Pampanini, 90 anos, actriz italiana.


• 
  Nivaria Tejera, 86 anos, poeta cubana, cancro de páncreas^[34].


• 
  Christy O'Connor, 67 anos, golfista irlandés.

• 
  7 de xaneiro, André Courrèges, 92 anos, xastre e deseñador de moda francés, párkinson.

• 
  7 de xaneiro, Ashraf Pahlevi, 96 anos, irmá do xa de Irán.

• 
  9 de xaneiro, María Teresa Alvajar López, 94 anos, política e escritora galega.

• 
  Maria Teresa de Filippis, 89 anos, piloto de Formula 1 italiana, a primeira muller en disputar un Gran Premio^[35].


• 
  Angus Scrimm, 89 anos, actor de filmes de terror estadounidense^[36].

• 
  10 de xaneiro, David Bowie, 69 anos, cantante británico, figura da cultura pop, cancro de fígado^[37].


• 
  13 de xaneiro, Ignacio Salas, 70 anos, presentador de televisión español, cancro.


• 
  14 de xaneiro, Alan Rickman, 69 anos, actor de cinema, teatro e televisión inglés, cancro^[38].

• 
  Franco Citti, 80 anos, actor de cinema italiano.

• 
  18 de xaneiro, Michel Tournier, 91 anos, novelista francés.

• 
  António Almeida Santos, 89, político portugués, presidente de honra do Partido Socialista luso.

• 
  19 de xaneiro, Glenn Frey, 67 anos, guitarrista de The Eagles, complicacións derivadas de artrite reumatoide, colite e pneumonía^[39].


• 
  20 de xaneiro, Ettore Scola, 83 anos, director de cinema italiano.^[40].


• 
  21 de xaneiro, Guillermo Lago, 71 anos, alcalde da Gudiña, infarto.


• 
  22 de xaneiro, Antonio Docampo García, 107 anos, o home máis vello de Galicia^[41], pneumonía.


• 
  23 de xaneiro, Francisco Rubio Llorente, 85 anos, xurista español, ex presidente do Consello de Estado, infarto.


• 
  24 de xaneiro, Fredrik Barth, 87 anos, antropólogo noruegués.


• 
  25 de xaneiro, Concepción Picciotto, 80 anos, manifestante pacifista que acampara diante da Casa Branca.


• 
  26 de xaneiro, Abe Vigoda, 94 anos, actor estadounidense, causas naturais.


• 
  29 de xaneiro, Jacques Rivette, 87 anos, director de cinema francés, alzheimer.


• 
  30 de xaneiro, Francisco Flores, 56 anos, antigo presidente do Salvador, derramo cerebral.


• 
  31 de xaneiro, Terry Wogan, 77 anos, presentador de radio e televisión, e xornalista musical británico, cancro.

• 
  Benoît Violier, 44 anos, cociñeiro suízo, considerado o mellor chef do mundo, suicidio con arma de fogo^[42].

Febreiro |

Umberto Eco finou con 84 anos.

• 
  2 de febreiro, José Luis y su guitarra, actor e cantante andaluz.


• 
  3 de febreiro, José Serafín Pena Souto, empresario e político galego do PPdeG.

• 
  4 de febreiro, David Mirra, 41 anos, ciclista de BMX estadounidense, suicidio con arma de fogo^[43].

• 
  Maurice White, 74 anos, cantante estadounidense e líder do grupo de R&B Earth, Wind & Fire, parkinson^[43].

• 
  5 de febreiro, Edgar Mitchell, 85 anos, astronauta do Apolo 14.^[44].


• 
  8 de febreiro, Alfonso Castro Beiras, cardiólogo e Medalla de Ouro de Galicia, suicidio ao botarse pola fiestra.^[45].

• 
  Paula Sueiro, 20 anos, cantante e co-presentadora do Luar, accidente de tráfico^[46].

• 
  9 de febreiro, Sushil Koirala, 77 anos, ex primeiro ministro do Nepal, pneumonía^[47].


• 
  11 de febreiro, Juan Fernández Rivas, 50 anos, arquitecto e escultor, suicidio ou caída accidental desde unha ponte da estrada^[48].


• 
  13 de febreiro, Trifon Ivanov, 50 anos, futbolista internacional da selección búlgara, infarto^[49].


• 
  14 de febreiro, Muriel Casals, 70 anos, antiga presidenta de Òmnium Cultural e deputada no Parlamento de Cataluña, lesións recibidas logo de ser atropelada por un ciclista^[50].


• 
  15 de febreiro, George Gaynes, 98 anos, actor de cinema e televisión estadounidense.


• 
  16 de febreiro, Butros Butros-Ghali, 93 anos, político exipcio, antigo secretario xeral das Nacións Unidas, como consecuencia dunha rotura da pelve^[51].


• 
  17 de febreiro, Andrzej Zulawski, 75 anos, director de cinema polaco, cancro^[52].


• 
  19 de febreiro, Tamerlan Aguzarov, 53 anos, líder (presidente) da república de Osetia do Norte-Alania, pneumonía.

• 
  Harper Lee, 89 anos, escritora estadounidense, autora de To Kill a Mockingbird^[53].


• 
  Umberto Eco, 84 anos, escritor e semiólogo italiano, cancro^[54].

• 
  20 de febreiro, Nando Yosu, 76 anos, ex futbolista e adestrador de fútbol español, vinculado especialmente ao Racing de Santander, alzheimer^[55].


• 
  22 de febreiro, Alberto Rojas, alcumado El Caballo, 72 anos, actor de cinema mexicano, cancro de vexiga.


• 
  23 de febreiro, Ramón Castro, político galego-cubano, 91 anos, irmán de Fidel e de Raúl Castro.

• 
  Kupido, 62 anos, cantante surafricano.

• 
  25 de febreiro, François Dupeyron, 66 anos, director de cinema francés, tumor cerebral.


• 
  26 de febreiro, David Mackenzie, 72 anos, galicianista británico.


• 
  27 de febreiro, Luis Rodríguez Míguez, 84 anos, médico e especialista en termalismo.


• 
  28 de febreiro, George Kennedy, 91 anos, actor de cinema estadounidense.

Marzo |

• 
  2 de marzo, Enrique Loewe, 103 anos, empresario español, que dirixiu a empresa familiar Loewe durante varias décadas.


• 
  3 de marzo, Berta Cáceres, 43 anos, líder ambientalista hondureña, asasinada con arma de fogo.


• 
  4 de marzo, Pat Conroy, 70 anos, novelista estadounidense autor de The Prince of Tides, cancro de páncreas^[56].


• 
  5 de marzo, Antoni Asunción, 64 anos, ministro de Interior español en 1994^[57].


• 
  5 de marzo, Ray Tomlinson, 74 anos, programador informático estadounidense, inventor do correo electrónico, infarto.^[58].


• 
  5 de marzo, Nikolaus Harnoncourt, 86 anos, director de orquestra austríaco^[59].


• 
  6 de marzo, Nancy Reagan, 94 anos, actriz, política e primeira dama dos Estados Unidos, crise cardíaca^[60].


• 
  6 de marzo, Gaspar Rosety, 57 anos, xornalista deportivo español, hemorraxia cerebral como consecuencia dunha caída.^[61].


• 
  8 de marzo, George Martin, 90 anos, produtor musical británico, responsable de boa parte dos arranxos dos Beatles.^[62].


• 
  9 de marzo, Naná Vasconcelos, 71 anos, percusionista brasileiro, cancro de pulmón^[63].


• 
  9 de marzo, Clyde Lovellette, 86 anos, xogador de Baloncesto estadounidense medallista de ouro nos Xogos de Helsinqui, cancro^[64].


• 
  10 de marzo, Roberto Perfumo, 73 anos, futbolista internacional arxentino, caída polas escaleiras como consecuencia dun aneurisma^[65].


• 
  10 de marzo, Keith Emerson, 71 anos, compositor estadounidense de rock progresivo, membro de Emerson, Lake & Palmer, suicidio con arma de fogo.


• 
  12 de marzo, Lloyd Shapley, 92 anos, matemático e premio Nobel de Economía en 2012^[66].


• 
  13 de marzo, Hilary Putnam, 89 anos, filósofo estadounidense^[67].


• 
  14 de marzo, Peter Maxwell Davies, 81 anos, compositor de música clásica contemporánea, leucemia.


• 
  17 de marzo, Paul Daniels, 77 anos, mago e actor británico, tumor cerebral.


• 
  17 de marzo, Josep Maria Ballarín, 96 anos, crego e escritor catalán.


• 
  18 de marzo, Guido Westerwelle, 54 anos, político alemán, antigo ministro de Exteriores, leucemia^[68].


• 
  19 de marzo, Manuel Abeledo López, 70 anos, ex-presidente da Deputación de Pontevedra.


• 
  20 de marzo, Carles Flavià, 70 anos, actor e presentador español, cancro.


• 
  21 de marzo, Ricardo Larraín, 59 anos, director de cinema chileno, linfoma non hodgkiniano.


• 
  21 de marzo, Andrew Grove, empresario e enxeñeiro húngaro nacionalizado estadounidense.


• 
  24 de marzo, Johan Cruyff, adestrador e ex-futbolista neerlandés ligado ao F.C. Barcelona, cancro de pulmón.


• 
  29 de marzo, Patty Duke, actriz estadounidense, sepse como consecuencia dunha ruptura intestinal.


• 
  31 de marzo, Imre Kertész, 86 anos, escritor húngaro.


• 
  31 de marzo, Ronnie Corbet, 85 anos, actor cómico británico.


• 
  31 de marzo, Zaha Hadid, 65 anos, arquitecta anglo-iraquí, infarto como consecuencia do tratamento dunha bronquite.

Abril |

• 
  1 de abril, Hans Dietrich Genscher, 89 anos, político alemán, ministro de exteriores liberal, crise cardíaca^[69].

• 
  Douglas Wilmer, 96 anos, actor británico, coñecido por interpretar a Sherlock Holmes^[70].

• 
  3 de abril, Gato Barbieri, 83 anos, saxofonista arxentino, pneumonía^[71].

• 
  Cesare Maldini, 84 anos, antigo futbolista e adestrador de fútbol italiano.


• 
  Koji Wada, 42 anos, músico e cantante de pop-rock xaponés, cancro de cabeza e pescozo.


• 
  Lars Gutsafsson, 79 anos, novelista sueco.

• 
  4 de abril, Manolo Tena, 64 anos, cantante español de pop, cancro de fígado.

• 
  Chus Lampreave‎, 85 anos, actriz española.

• 
  11 de abril, Guillermo Muñoz, 63 anos, xogador chileno do Deportivo da Coruña dos anos 70, cancro de estómago^[72].

• 
  Shangay Lily, 53 anos, drag-queen e activista español.


• 
  Tomaž Pandur, 53 anos, director teatral esloveno, infarto.

• 
  13 de abril, Mariano Mores, 98 anos, pianista arxentino de tango.


• 
  19 de abril, Patricio Aylwin, 97 anos, primeiro presidente democrático de Chile dende a ditadura militar de Augusto Pinochet.

• 
  Walter Kohn, 93 anos, físico e químico estadounidense, que obtivo o Premio Nobel de Química en 1998, cancro de mandíbula.

• 
  21 de abril, Prince, 57 anos, cantante de pop e rock estadounidense, sobredose.


• 
  23 de abril, Luis González Seara, 79 anos, avogado e político, ministro durante a Transición Española.


• 
  24 de abril, Billy Paul, 81 anos, cantante de soul estadounidense, cancro de páncreas.

• 
  Papa Wemba, 66 anos, cantante e compositor congolés de soukous, infarto durante un concerto.

• 
  26 de abril, José Isorna, 94 anos, escritor, frade franciscano e presentador de televisión, crise respiratoria.^[73].


• 
  28 de abril, Enrique Cal Pardo, 93 anos, historiador e deán da catedral de Mondoñedo^[74].

• 
  Jenny Diski, 68 anos, novelista británica, cancro de pulmón.

Maio |

• 
  7 de maio, Pep Subirós, filósofo e escritor español.


• 
  14 de maio, José Giráldez, 82 anos, político do PSOE.


• 
  20 de maio, Miguel de la Quadra-Salcedo, 84 anos, reporteiro, promotor cultural e atleta español.


• 
  23 de maio, Sabino Torres, 91 anos, editor e escritor, cancro.


• 
  26 de maio, Baltasar Pujales, 75 anos, presidente do Rápido de Bouzas^[75].

• 
  Jean-Claude Decaux, 78 anos, publicista e empresario francés, dono da multinacional JC Decaux.

• 
  30 de maio, Erkin Vohidov, 69 anos, poeta e dramaturgo uzbeko.


• 
  31 de maio, Mohamed Abdelaziz, 68 anos, presidente do Sáhara Occidental, cancro.

• 
  Antonio Imbert Barrera, 95 anos, militar e político da República Dominicana, presidente do país na década de 1960.

Xuño |

• 
  3 de xuño, Muhammad Ali, 74 anos, boxeador estadounidense, infección respiratoria complicada con párkinson.

• 
  Luis Salom, 24 anos, piloto de motociclismo español, accidente de moto.

• 
  4 de xuño, Berta Guimaraens, 87 anos, cociñeira e escritora.


• 
  6 de xuño, Viktor Korchnoi, 85 anos, gran mestre de xadrez ruso.


• 
  7 de xuño, Quino Salvo, 58 anos, xogador e adestrador de baloncesto, tumor cerebral.


• 
  8 de xuño, Pedro Costa Musté, 74 anos, produtor de cinema e televisión español.


• 
  17 de xuño, Fernando Quesada, 82 anos, debuxante e humorista gráfico.


• 
  19 de xuño, Anton Yelchin, 27 anos, actor de cinema estadounidense, esmagado polo propio coche.


• 
  20 de xuño, Lalo Vázquez Xil, 89 anos, escritor e xornalista.

• 
  Chayito Valdez, 71 anos, cantante popular mexicana.

• 
  25 de xuño, Jaime Rey de Roa, 73 anos, naturalista e político.


• 
  27 de xuño, Bud Spencer, 86 anos, actor italiano de cinema.

• 
  Alvin Toffler, 87 anos, escritor estadounidense de ciencia-ficción futurista.


• 
  Ángel Nadal, 86 anos, debuxante de banda deseñada español, pai entre outros de Casildo Calasparra.

• 
  30 de xuño, Juan Carmona, chamado Habichuela, 83 anos, guitarrista flamenco español.

Xullo |

Agustín Fernández Paz

• 
  2 de xullo, Michael Cimino, 77 anos, director de cinema estadounidense.

• 
  Elie Wiesel, 87 anos, escritor romanés supervivente do Holocausto, Premio Nobel da Paz en 1986.


• 
  Michel Rocard, 85 anos, antigo primeiro ministro francés.

• 
  3 de xullo, Ramón Prado Fraguas, 59 anos, futbolista do Atlético de Madrid nos anos setenta^[76].


• 
  4 de xullo, Abbas Kiarostami, 76 anos, director de cinema iraniano, cancro gastrointestinal.


• 
  11 de xullo, Emma Cohen. 69 anos, actriz e escritora española, cancro.


• 
  12 de xullo, Agustín Fernández Paz, 69 anos, escritor e profesor, especializado en literatura xuvenil, cancro.


• 
  13 de xullo, Juan Peña, chamado El Lebrijano, 75 anos, cantaor de flamenco español, problemas cardíacos.

• 
  Bernardo Provenzano, 83 anos, criminal italiano, xefe da mafia siciliana, cancro de vexiga.

• 
  14 de xullo, Miguel Ángel Fernández Refojo, 88 anos, oftalmólogo e investigador.

• 
  Hector Babenco, 70 anos, cineasta brasileiro, complicacións dunha sinusite.


• 
  Péter Esterházy, 63 anos, novelista húngaro, cancro de páncreas.

• 
  15 de xullo, José Monleón, 89 anos, dramaturgo español.


• 
  16 de xullo, Coral Troncoso, 44 anos, actriz e bailarina, accidente de helicóptero.

• 
  Yoshiro Tachibana, 75 anos, pintor.


• 
  Nate Thurmond, 74 anos, xogador de baloncesto estadounidense do Golden State Warriors, leucemia.


• 
  Alan Vega, 78 anos, músico e vocalista estadounidense do grupo Suicide, causas naturais.

• 
  20 de xullo, Garry Marshall, 81 anos, director de cinema e televisión estadounidense, pneumonía
  


• 
  21 de xullo, Luc Hoffmann, 93 anos, ornitólogo e filántropo suízo, cofundador de WWF.


• 
  24 de xullo, José Chapela, Chimé, 72 anos, político comunista galego e alcalde de Cangas no comezo da democracia.


• 
  27 de xullo, Einojuhani Rautavaara, 87 anos, compositor finlandés, complicacións logo dunha cirurxía de cadeira.


• 
  30 de xullo, José Menese, 74 anos, cantaor flamenco, infarto.

Agosto |

• 
  7 de agosto, Pablo Cachón, 80 anos, xuíz.

• 
  Gustavo Bueno, 91 anos, filósofo español.

• 
  13 de agosto, Françoise Mallet-Joris, 86 anos, novelista belga.


• 
  15 de agosto, Dalian Atkinson, 48 anos, xogador de fútbol inglés, por disparos dunha pistola eléctrica nun enfrontamento coa policía.


• 
  16 de agosto, João Havelange, 100 anos, waterpolista olímpico brasileiro e antigo presidente da FIFA, pneumonía.

• 
  Gurdial Singh, escritor en lingua panxabi.

• 
  17 de agosto, Víctor Mora, 85 anos, escritor español, creador de El Capitán Trueno.


• 
  18 de agosto, Ana Viqueira, 59 anos, xornalista, cancro.

• 
  Epifanio Campo Fernández, 63 anos, empresario do sector da cerámica e financeiro, cancro.

• 
  20 de agosto, Ignacio Padilla, 48 anos, novelista mexicano, accidente de automóbil.


• 
  21 de agosto, José Ramón Arteche, 63 anos, adestrador e antigo xogador de fútbol do Racing de Ferrol.

• 
  Donald Henderson, 87 anos, epidemiólogo estadounidense, director do programa mundial de erradicación da varíola, complicacións logo de fracturar a cadeira.


• 
  Benet Rosell, 78 anos, artista español, esclerose lateral amiotrófica.


• 
  Jordi Carbonell, 92 anos, lingüista e político catalán, antigo presidente de ERC.

• 
  22 de agosto, Toots Thielemans, 94 anos, músico de jazz belga e intérprete de harmónica, infarto mentres se recuperaba dunha operación de ombro.


• 
  25 de agosto, Sonia Rykiel, 86 anos, deseñadora de moda francesa, como consecuencia de párkinson.


• 
  28 de agosto, Juan Gabriel, 66 anos, compositor e cantante mexicano, complicacións cardíacas e de diabete.


• 
  29 de agosto, Gene Wilder, 83 anos, actor estadounidense, linfoma non de Hopkins.


• 
  30 de agosto, Joe Sutter, 95 anos, enxeñeiro estadounidense, director do equipo de deseñou o Boeing 747, pneumonía.

• 
  Abu Mohammad al-Adnani, 38 anos, líder do ISIS en Siria, disparos dun dron.


• 
  Marc Riboud, 93 anos, fotógrafo francés, o autor dunha icónica fotografía de protestas contra a Guerra do Vietnam, alzheimer.

• 
  31 de agosto, Xosé Luís Laredo Verdejo, 85 anos, sacerdote e escritor.^[77]

• 
  Antonino Fernández, 98 anos, empresario hispano-mexicano do sector cervexeiro.

Setembro |

• 
  2 de setembro, Islom Karimov, 78 anos, político e presidente de Uzbekistán, consecuencias dun derramo cerebral.

• 
  Jon Polito, 65 anos, actor de cinema estadounidense, mieloma múltiplo.

• 
  8 de setembro, Martial Ménard, 64 anos, lingüista e promotor da lingua bretoa.


• 
  11 de setembro, Alexis Arquette, 47 anos, actriz de cinema estadounidense.


• 
  13 de setembro, Fernando Acuña Castroviejo, 71 anos, arqueólogo e profesor universitario.


• 
  16 de setembro, Edward Albee, 88 anos, dramaturgo.^[78]


• 
  20 de setembro, Curtis Hanson, 71 anos, director de cinema estadounidense, gañador dun Óscar por LA Confidential, alzheimer.


• 
  25 de setembro, Arnold Palmer, 87 anos, golfista estadounidense, problemas cardíacos mentres agardaba para ser operado.


• 
  26 de setembro, Benito Canal, 75 anos, boxeador, campión de España dos pesos pesados en varias ocasións.

• 
  Herschell Gordon Lewis, director de cinema estadounidense, un dos impulsores do cinema gore.

• 
  28 de setembro, Shimon Peres, 93 anos, antigo primeiro ministro de Israel e Premio Nobel da Paz, consecuencias dun derramo cerebral.

Outubro |

• 
  2 de outubro, Neville Marriner, 92 anos, director de orquestra británico, director da Academy of St. Martin in the Fields.


• 
  5 de outubro, Fran Cortegoso, 31 anos, poeta, cancro do sistema linfático^[79].


• 
  7 de outubro, Luís Caruncho, 87 anos, pintor e escultor abstracto, e xestor cultural.


• 
  8 de outubro, Stylianos Patakos, 103 anos, militar golpista grego.


• 
  9 de outubro, Andrzej Wajda, 90 anos, cineasta polaco, Oscar á súa traxectoria.


• 
  13 de outubro, Dario Fo, 90 anos, dramaturgo italiano, Premio Nobel de Literatura, complicacións respiratorias.

• 
  Bhumibol Adulyadej, 88 anos, rei de Tailandia.

• 
  16 de outubro, Kigeli V, 80 anos, antigo rei de Ruanda.


• 
  17 de outubro, Elena Santonja, 84 anos, actriz e presentadora de televisión española.


• 
  20 de outubro, Junko Tabei, alpinista xaponesa, a primeira muller en escalar o Everest, cancro.


• 
  22 de outubro, Steve Dillon, 54 anos, debuxante de banda deseñada estadounidense.


• 
  23 de outubro, Genrih Perevoshchikov, 80 anos, escritor udmurto.


• 
  24 de outubro, Jorge Batlle, 84 anos, antigo presidente do Uruguai, traumatismo cranio-encefálico como consecuencia dunha caída.


• 
  25 de outubro, Carlos Alberto Torres, 72, futbolista brasileiro, campión do mundo en México 1970, infarto.


• 
  29 de outubro, Fermín Bouza Álvarez, 70 anos, sociólogo e escritor.

Novembro |

• 
  2 de novembro, Egon Wolf, 90 anos, dramaturgo chileno
  

• 
  Oleg Popov, 86 anos, pallaso ruso, infarto.

• 
  10 de novembro, Francisco Nieva, 91 anos, dramaturgo e escenógrafo español.

• 
  Leonard Cohen, 82 anos, cantante e compositor canadense, como consecuencia dunha caída da cama.

• 
  12 de novembro, Robert Vaughn, 83 anos, actor de cinema e televisión estadounidense, leucemia.


• 
  15 de novembro, Narf, 48 anos, músico e compositor, cancro.^[80]

• 
  Manuel Ferreiro Losada, 69 anos, xeneral da garda civil.

• 
  15 de novembro, Sixto Durán Ballén, 95 anos, antigo presidente do Ecuador, parada cardíaca mentres durmía a sesta.


• 
  22 de novembro, Dorotea Bárcena, 72 anos, actriz.


• 
  23 de novembro, Arturo Pereiro Vilariño, 82 anos, antigo alcalde de Castro de Rei.

• 
  Rita Barberá, 68 anos, senadora española e antiga alcaldesa de Valencia, infarto.

• 
  24 de novembro, Marcos Ana, 96 anos, poeta e político comunista español durante o franquismo.


• 
  25 de novembro, Fidel Castro, 90 anos, líder comunista e antigo presidente de Cuba.


• 
  29 de novembro, Luis Alberto Monge, 90 anos, antigo presidente de Costa Rica, parada cardíaca.

Decembro |

Richard Adams

• 
  6 de decembro, Peter Vaughan, 93 anos, actor inglés, coñecido por Game of Thrones.


• 
  7 de decembro, Greg Lake, 69 anos, cantante estadounidense, líder de King Crimson, cancro.

• 
  Cho Ramaswamy, 82 anos, actor, director, xornalista, dramaturgo e avogado támil.

• 
  8 de decembro, John Glenn, 95 anos, astronauta estadounidense, o quinto humano en orbitar a Terra.


• 
  12 de decembro, Manuel Bermúdez, 80 anos, antigo futbolista do Deportivo da Coruña.


• 
  13 de decembro, Javier Echevarría, 84 anos, bispo español, prelado do Opus Dei, infección pulmonar.

• 
  Alan Thicke, 69 anos, actor estadounidense, protagonista de Growing Pains, infarto mentres xogaba ao hockey sobre xeo.

• 
  14 de decembro, Isidro Silveira Cameselle, 73 anos, presidente do Racing de Ferrol, cancro.


• 
  18 de decembro, Zsa Zsa Gabor, 99 anos, actriz estadounidense, de orixe húngara, infarto.


• 
  25 de decembro, George Michael, 53 anos, cantante inglés, infarto.^[81]

• 
  Vera Rubin, 88 anos, astrónoma estaodunidense, causas naturais.^[82]

• 
  27 de decembro, Bibiano, 66 anos, cantautor e produtor, antigo membro de Voces Ceibes, causas naturais mentres durmía.

• 
  Carrie Fisher, 60 anos, actriz estadounidense, famosa por interpretar a princesa Leia na Guerra das galaxias, consecuencias dun infarto.


• 
  Richard Adams, 96 anos, escritor inglés de literatura infantil e xuvenil.

• 
  28 de decembro, Gregorio Álvarez, 91 anos, militar golpista uruguaio, fallo cardíaco.

• 
  Debbie Reynolds, 84 anos, actriz estadounidense, protagonista de Singin' in the Rain, derramo cerebral.

• 
  29 de decembro, William Salice, 83 anos, empresario italiano, creador dos ovos Kinder Sorpresa, accidente cerebrovascular.^[83][84][85]

• 
  Olga Ulianova, 53 anos, historiadora ruso-chilena, cancro.

Premios Nobel |

• 
  Premio Nobel de Física: John M. Kosterlitz, Duncan Haldane e David J. Thouless, polos descubrimentos teóricos das transicións de fase topolóxica e fases topolóxicas da materia.


• 
  Premio Nobel de Química: Ben Feringa, Jean-Pierre Sauvage e Fraser Stoddart, polo deseño e síntese de máquinas moleculares.


• 
  Premio Nobel de Medicina: Yoshinori Ohsumi, polos seus descubrimentos sobre os mecanismos da autofaxia.


• 
  Premio Nobel de Literatura: Bob Dylan, por ter creado unha nova expresión poética dentro da gran tradición da canción estadounidense.


• 
  Premio Nobel da Paz: Juan Manuel Santos, polo seu intento de chegar a un acordo coas FARC.


• 
  Premio Nobel de Economía: Oliver Hart e Bengt R. Holmström, polas súas contribucións á teoría de contratos.

Notas |