Bruce Willis
Willis en xullo de 2010.
Nome completo	Walter Bruce Willis
Alcume/outros	W.B. Willis Bruno
Nacemento	19 de marzo de 1955 (64 anos)
Lugar	Idar-Oberstein, Alemaña
Nacionalidade	Estados Unidos
Relixión	ateísmo
Educado en	Montclair State University
Cónxuxe(s)	Demi Moore (1987–2000) Emma Heming (2009–presente)
Fillos	Rumer, Scout, Tallulah
Profesión	Actor, produtor, músico
[ editar datos en Wikidata ]
v c e

Walter Bruce Willis, nado en Idar-Oberstein, Alemaña, o 19 de marzo de 1955, é un actor estadounidense.

Biografía |

Nado como Walter Bruce Willis nunha base militar estadounidense en Alemaña de pai americano e nai alemá. Foi o irmán máis vello de catro irmáns (tres nenos e unha nena) un dos cales, David Willis é produtor de cine. Creceu en Penns Grove, Nova Jersey onde demostrou ser un grande estudante, e onde toma clases de teatro por primeira vez, que, non obstante, ó rematar os seus estudos secundarios non iría á universidade, senón que empezaría a traballar transportando traballadores nunha fábrica local, máis tarde como garda de seguridade nunha central eléctrica. E tamén tocando a harmónica cun grupo de R&B chamado Loose Goose. Máis tarde, botando en falla a actuación, estuda arte dramática na Universidade Estatal de Montclair, da cal marcha a Nova York para comezar a súa carreira de actor.

Fai o seu debut no cine na película The First Deadly Sin (1980), non obstante o público empeza a fixarse nel cando interpreta un bo papel na serie de TV Miami Vice, o que lle serve de trampolín para conseguir o papel protagonista na afamada serie da ABC Moonlight (1985-1989). E no ano 1988 cando consegue o papel de John McLane na película de acción Die Hard, que acabaría marcando a súa carreira, no que redefine o heroe de acción como un home vulnerable e case sempre á beira do erro. Máis tarde, no ano 1989, Willis explora a súa parte cómica na película Look Who's Talking.

No ano 1987 cando casa coa súa noiva, a tamén actriz Demi Moore, coa que terá tres fillos antes do seu divorcio no ano 2000.

E no ano 1990 cando Bruce Willis empeza un período de altibaixos, primeiro co fracaso de crítica e público The Bonfire of the Vanities (1990), seguido do grande éxito The Last Boy Scout (1991), e un novo fracaso con Hudson Hawk (1991). E tamén neste período cando Bruce Willis ofrece dúas das súas mellores actuacións, primeiro en Mortal Thoughts (1991), na que comparte protagonismo coa súa muller Demi Moore, e máis tarde con Billy Bathgate (1991), non obstante o publico dálle as costas.

Bruce Willis cantando.

Tras esta fase de incerteza a fama de Bruce Willis parecía ir decrecendo, non obstante Willis volve dar mostra da súa calidade como actor no filme de 1994 Pulp Fiction, dirixida por Quentin Tarantino. Tras este éxito Willis parece atopar de novo o rumbo e sorprende coa súa interpretación na película 12 Monkeys (1995), na que comparte protagonismo con Brad Pitt. Estas dúas boas películas pareceron ser un espellismo pois as súas seguintes películas deron pobre resultado tanto en público como en crítica.

Porén, Willis volveu demostrar ser un moderno Ave Fénix coa súa interpretación no grande éxito Armageddon (1998), que recadou 200 millóns de dólares, e despois coa película O sexto sentido (1999), que lle valeu o recoñecemento por parte da crítica.

Ultimamente tras películas como Hart's War (2002), Bágoas do sol (2003), e Sin City (2005), a carreira de Willis semella gozar de moi boa saúde.

Filmografía |

Estrela de Willis no Hollywood Walk of Fame.

Véxase tamén |

Wikimedia Commons ten máis contidos multimedia na categoría:  Bruce Willis

Ligazóns externas |

• 
  


• 
  Bruce Willis na IMDb (en inglés).