Coroa checa
Koruna česká (en checo)
Código:	CZK
Ámbito:	República Checa
Símbolo:	Kč
Fracción:	100 haléřů (h)
Moedas:	10, 20, 50 h 1, 2, 5, 10, 20, 50 Kč
Billetes:	50, 100, 200, 500, 1000, 2000, 5000 Kč
Emisor:	Česká národní banka (ČNB)
Taxa de troco: 07-02-2011	1 EUR = 24,0263 CZK 1 USD = 17,746 CZK
Troco actual

A koruna checa ou coroa checa (signo monetario : Kč; código: CZK ) é a moeda da República Checa dende 08 de febreiro de 1993 cando, xunto coa súa homóloga eslovaca, substituíu á coroa checoslovaca cunha taxa de cambio equivalente (1:1).

O nome oficial en checo é koruna česká (plural koruny české, aínda que a forma do xenitivo plural do ablaut indoeuropeo -korun českých- é usada en billetes e moedas cun valor facial de 5 Kč ou superior). O código ISO 4217 é CZK e o abreviatura da moeda é Kč, que é colocada despois do valor numérico (por exemplo, "50 Kč"). Unha coroa é igual a 100 haléřů (abreviado como "h", singular: haléř, plural nominativo: haléře, plural xenitivo: haléřů - usado con números maiores ou iguais a 5 - por exemplo,3 haléře, 8 haléřů).

Historia |

A koruna checa substituíu á coroa checoslovaca, cando se introduciu en 1993, tra-la disolución de Checoslovaquia. A primeira emisión estaba composta por billetes checoslovacos reselados de 20, 50, 100, 500, e 1.000 coroas, pero un pouco máis tarde e no mesmo ano, sería introducida unha serie ordinaria.

Adopción do euro |

Taxa de troco EUR-CZK a partir do ano 1999.

A República Checa tiña previsto adopta-lo euro no 2010, pero o seu goberno suspendeu ese plan indefinidamente no ano 2005.^[1] Aínda que o país está economicamente ben situado para adopta-lo euro, hai unha considerable oposición a este movemento na República Checa.^[2] Segundo unha enquisa realizada en abril do 2014, só 16% da poboación checa estaba a favor de substitui-la coroa polo euro.^[3]

Moedas |

En 1993 foron introducidas as novas moedas con valores faciais de 10, 20 e 50 haléřů, 1, 2, 5, 10, 20 e 50 korun. As moedas de 10 e 20 haléřů foron retiradas da circulación a partir do 31 de outubro de 2003, e as moedas de 50 haléřů foron retiradas da circulación a partir do 31 de agosto de 2008, debido á diminución do poder adquisitivo e de circulación destas moedas.^[4]

no 2000, as moedas 10 e 20 korun foron acuñadas con diferentes anversos para conmemora-lo milenio. En 1993 e 1994 as moedas foron acuñadas en Winnipeg e en Hamburg, o resto das emisións xa serían feitas na República Checa. Tódalas moedas postas en circulación foron deseñadas por Ladislav Kozák (1934-2007).

Dende 1997, tamén son emitidas anualmente carteiras para coleccionistas con moedas en calidade proof. Tamén é moi común a emisión de moedas conmemorativas - incluíndo moedas de prata e ouro - para fins numismáticos.

Circulation coins[5]
Imaxe	Valor facial	Parámetros técnicos				Descrición			Data da
		Diámetro	Grosor	Peso	Composición	Bordo	Anverso	Reverso	primeira emisión	retirada
	10 h	15,5 mm	1,7 mm	0,6 gr	99% aluminio 1% magnesio	Plano	"ČESKÁ REPUBLIKA", o León checo, ano da tirada.	Valor facial, río.	1993	2003
	20 h	17 mm		0,74 gr		Estriado		Valor facial, folla de tileiro.	1993	2003
	50 h	19 mm		0,9 gr		Alternándose plano e estriado.		Valor facial	1993	2008
	1 Kč	20 mm	1,85 mm	3,6 gr	Aceiro recuberto de níquel.	Estriado		Valor facial, a coroa de San Venceslau.	1993	En curso
	2 Kč	21,5 mm, 11 lados		3,7 gr		Redondeado, plano		Valor facial, medallón da Gran Moravia.	1993	En curso
	5 Kč	23 mm		4,8 gr		Plano		Valor facial, Ponte de Carlos, Vltava, folla de tileiro.	1993	En curso
	10 Kč	24,5 mm	2,55 mm	7,62 gr	Aceiro recuberto de cobre.	Estriado		Valor facial, Catedral de S. Pedro e S. Pablo a carón do monumento Petrov de Brno	1993	En curso
	20 Kč	26 mm, 13 lados	2,55 mm	8,43 gr	Aceiro recuberto de latón.	Redondeado, plano		Valor facial, o monumento a Venceslau I de Bohemia na praza Venceslau, coa inscrición do monumento: "SVATÝ VÁCLAVE NEDEJ ZAHYNOUT NÁM I BUDOUCÍM".	1993	En curso
	50 Kč	27,5 mm center: 17 mm	2,55 mm	9,7 gr	Anel: aceiro recuberto de cobre Centro: aceiro recuberto latón	Plano		"PRAGA MATER URBIUM" ("Praga, nai das cidades"), vista de Praga	1993	En curso

Billetes |

Os primeiros billetes checos emitidos o 8 de febreiro de 1993 eran en realidade billetes checoslovacos reselados con selos adhesivos. Só os billetes de 100, 500 e 1.000 korun foron reselados, os valores faciais máis baixos circularon inalterados durante este período de transición. Cada selo levaba o número romano e árabe do valor facial do billete (C e 100, D e 500, M e 1.000). Nas emisións posteriores do billete de 1.000 korun substituíuse o selo adhesivo polo dunha imaxe impresa do mesmo.^[6]

A serie deseñada e introducida en 1993 cos valores faciais de 20, 50, 100, 200, 500, 1.000 e 5.000 korun aínda son de curso legal - coa excepción dos billetes de 20, 50 e as primeiras versións dos billetes de 1.000 e 5.000 korun , xa que os elementos de seguridade dos billetes de 1.000 e 5.000 korun foron actualizados e mellorados nas emisións posteriores (O billete de 2.000 korun, que se introduciu en 1996, aínda é válido en tódalas súas versións, con e sen as novas características de seguridade). Estes billetes levan impresas personalidades checas de renome no anverso e composicións abstractas no reverso. Os elementos de protección modernos pódense atopar en tódolos billetes.

Billetes checoslovacos reselados |

Billetes checos orixinais |

Pódese atopa-lo escudo de armas da R. Checa en tódolos reversos de tódolos valores faciais.

Taxas de troco |

No 2008, a moeda acadou o seu punto máis alto nas taxas de troco.^[9]

• 
  Taxas de troco da moeda checa extraídas de bancos checos e entidades de troco

Notas |

Véxase tamén |

Wikimedia Commons ten máis contidos multimedia na categoría:  Coroa checa

Outros artigos |

• Coroa de Bohemia e Moravia


• Economía da República Checa


• Coroa checoslovaca


• Coroa eslovaca

Ligazóns externas |

• 
  Billetes checos, Banco Nacional Checo


• 
  Moedas checas, Banco Nacional Checo


• 
  App para móbiles, Banco Nacional Checo


• Billetes checos (catalogo, galería e outros detalles, historia)

v c e Historial das moedas da República Checa e Eslovaquia 1ª coroa checoslovaca 1919–1939 moedas billetes Coroa do protectorado 1939–1945 moedas billetes koruna slovenská 1939–1945 moedas billetes 2ª coroa checoslovaca 1945–1953 moedas billetes 3ª coroa checoslovaca 1953–1993 moedas billetes Coroa checa 1993– moedas billetes Coroa eslovaca 1993–2008 moedas billetes Euro 2009– moedas billetes