Coroa eslovaca †
Slovenská koruna en eslovaco
Código:	SKK
Ámbito:	Eslovaquia
Símbolo:	Sk
Fracción:	100 halierov (h)
Moedas:	50 h 1, 2, 5 e 10 Sk
Billetes:	20, 50, 100, 200, 500, 1000 e 5000 Sk
Emisor:	Národná banka Slovenska
Taxa de troco: fixa	1 EUR = 30,1260 SKK
Oficial até o 08-07-2008

A coroa eslovaca (en eslovaco: Slovenská koruna) foi a moeda oficial de Eslovaquia dende o 8 de febreiro de 1993 ata o 31 de decembro do 2008, cando Eslovaquia adoptou o Euro como moeda oficial. O seu código ISO 4217 era SKK e a súa abreviatura era Sk. Unha coroa eslovaca dividíase en 100 halierov (abreviado simplemente como h).

Historia |

A primera coroa, coñecida como coroa eslovaca da Segunda Guerra Mundial, estableceuse en 1939 en substitución da coroa checoslovaca (introducida en 1919 para remprazar á coroa austro-húngara) ata o final da Guerra, xa que o 1 de novembro de 1945 foi substituída nóvamente pola coroa checoslovaca.

A segunda coroa foi introducida o 8 de febreiro de 1993 coa independencia eslovaca a raíz da disolución de Checoslovaquia e, polo tanto, da desaparición da coroa checoslovaca.

A coroa entrou no ERM II, o mecanismo de troco da Unión Europea, o 28 de novembro do 2005 e fixouse a razón de 35,4424 SKK por EUR ata o 8 de xullo do 2008, cando o Consello de Asuntos Económicos (ECOFIN) fixou o tipo de troco final con respecto ao Euro a razón de 30,1260 SKK por EUR, e dando oficial a adopción do Euro o 1 de xaneiro do 2009.

O 1 de xaneiro do 2009 deixou de ser a moeda oficial de Eslovaquia dando paso a Euro como nova moeda.

Moedas |

Moeda de 5 coroas eslovacas de 1939.

Para máis información véxase: Moedas da coroa eslovaca (1939-45).

En 1939 introducíronse moedas de 10 halierov, e 5 e 20 coroas, ademais das denominacións de 20 e 50 halierov e 1 coroa en 1940. As moedas de 10 e 20 halierov eran de bronce, as de 50 h e 1 Sk de cuproníquel, as de 5 Sk de níquel e a de 20 coroas de prata. En 1942, introducíronse moedas de 5 halierov de cinc e se empregou aluminio para cuñar as denominacións de 20 h. En 1943 substituíuse o cinc polo aluminio nas de 50 h e engadíronse as denominacións de 10 e 50 coroas de prata en 1944.

Comparando as emisións anteriores á Guerra, a coroa eslovaca contaba cunha moeda de 50 coroas nova, e o contido de prata nas de 10 e 20 Sk reduciuse das 700 milésimas ás 500, ao mesmo tempo que reduciron o seu tamaño. Os seus deseñadores foron Anton Hám, Andrej Peter, Gejza Angyal, Ladislav Majerský e František Štefunko. Todas se cuñaron na ceca de Kremnica.

En 1993, trala disolución de Checoslovaquia, Eslovaquia introduciu a súa propia moeda, substituíndo a coroa checoslovaca cunha taxa de troco de 1:1. Cuñáronse moedas de 10, 20 e 50 h de aluminio, e 1, 2, 5 e 10 coroas. Debido á inflación as moedas de 10 e 20 h deixaron de circular en 1995, e se introduciu un novo tipo de 50 h de cobre.

As moedas que circularon ata o 31 de decembro do 2008 foron as seguintes:

Billetes |

En 1939 imprimiuse nos billetes de 100, 500 e 1.000 coroas a lenda SLOVENSKÝ ŠTÁT para empregarse en territorio eslovaco. Durate ese mesmo ano tamén se introduciron as denominacións de 10 e 20 coroas.

En 1993 os billetes de Checoslovaquia levaban un selo pegado coas armas de Eslovaquia e a denominación. Máis tarde se introduciron as novas series de billetes en denominacións de 20, 50, 100, 500 e 1.000 coroas. En 1994 engadiuse o billete de 5.000 Sk e en 1995 o de 200 Sk.

Os billetes que circularon ata o 31 de decembro do 2008 foron as seguintes:

Véxase tamén |

Outros artigos |

• Coroa checa


• Coroa checoslovaca


• Coroa austro-húngara

Ligazóns externas |

• 
  Banco Nacional Eslovaco (en eslovaco) (en inglés)
  

v c e Historial das moedas da República Checa e Eslovaquia 1ª coroa checoslovaca 1919–1939 moedas billetes Coroa do protectorado 1939–1945 moedas billetes koruna slovenská 1939–1945 moedas billetes 2ª coroa checoslovaca 1945–1953 moedas billetes 3ª coroa checoslovaca 1953–1993 moedas billetes Coroa checa 1993– moedas billetes Coroa eslovaca 1993–2008 moedas billetes Euro 2009– moedas billetes