Helen Keller
Nome completo	Helen Adams Keller
Nacemento	27 de xuño de 1880
	Tuscumbia
Falecemento	1 de xuño de 1968
	Easton
Causa	doenza
Soterrada	Catedral Nacional de Washington
Nacionalidade	Estados Unidos de América
Relixión	The New Church
Alma máter	Radcliffe College e Universidade Harvard
Ocupación	escritora, oradora, ensaísta, activista, sufraxista, sindicalista, ativista pela paz e suffragette
Premios	Medalla Presidencial da Liberdade, National Women’s Hall of Fame, Alabama Women's Hall of Fame, Connecticut Women's Hall of Fame, Labor Hall of Honor, cabaleiro da Lexión de Honor, Order of St. Sava, Knight of the Order of the Southern Cross, Cavaleiro da Ordem do Mérito da República Italiana, Order of Bernardo O'Higgins, Ordem do Tesouro da Felicidade Sagrada e Order of Merit
[ editar datos en Wikidata ]
v c e

Helen Keller.

Helen Adams Keller, nada en Tuscumbia (Alabama) o 27 de xuño de 1880 e finada en Westport (Connecticut) o 1 de xuño de 1968, foi unha escritora, conferencista e activista social estadounidense.

Traxectoria |

Helen Keller quedou cega e xorda, desde pícara, debido a unha doenza diagnosticada na época como febre cerebral (posiblemente foi escarlatina ou sarampelo). Superou todos os obstáculos, tornándose unha das máis notábeis personalidades do noso século. Ela sentía as ondulacións dos páxaros a través das copas e pólas das árbores dalgún parque onde ela paseaba.

Deveu unha famosa escritora, filósofa e conferenciante, cun extenso traballo que desenvolveu en favor das persoas portadoras de eivas. Anne Sullivan foi a súa profesora, compañeira e protectora.

Formación e recoñecementos |

En 1904 graduouse como bacharel en filosofía polo Radcliffe College, institución que a agraciou co premio Alumno Destacado no 50 aniversario da súa formación. Falaba os idiomas francés, latín e alemán.

Ao longo da vida foi agraciada con títulos e diplomas honorarios de diversas institucións, como a universidade Harvard e universidades da Escocia, Alemaña, India e Suráfrica. En 1952 foi nomeada Cabaleiro da Lexión de Honra da Francia. Foi condecorada coa Orde do Cruceiro do Sur, no Brasil, coa do Tesouro Sagrado, no Xapón, entre outras.

Foi membro honorario de varias sociedades científicas e organizacións filantrópicas nos cinco continentes.

En 1902 estreouse na literatura publicando a súa autobiografía The Story of my Life. Despois iniciou a súa carreira no xornalismo, escribindo artigos no Ladies Home Journal. A partir de entón non parou de escribir.

Obra |

• Optimism: An Essay

• Out of the dark: essays, letters, and addresses on physical and social vision

• The world I live in


• 
  Light in My Darkness (publicado como My religion en 1927)


• The miracle of life


• The Story of my Life


• Peace at eventide


• The Song of the Stone Wall

Véxase tamén |

Outros artigos |

• Linguaxe humana


• O milagre de Anna Sullivan

Ligazóns externas |

• Helen Keller - Lions Club


• 
  Helen Keller international (En inglés)


• 
  Museu online (En inglés)


• Obras dixitalizadas: en OpenLibraryGutemberg Projecte Open MLOL