Abraham Lincoln
16º Presidente dos Estados Unidos
Período	4 de marzo de 1861 – 15 de abril de 1865
Antecesor	James Buchanan
Sucesor	Andrew Johnson
Datos persoais
Nacemento	12 de febreiro de 1809
	Hodgenville, Kentucky
Falecemento	15 de abril de 1865
	Washington
Organización	Partido Republicano
Pai	Thomas Lincoln
Nai	Nancy Hanks Lincoln
Cónxuxe	Mary Todd (1842 - 1865)
Fillos	Robert Todd Lincoln Edward Baker Lincoln William Wallace Lincoln Tad Lincoln
Profesión	Político e avogado
[ editar datos en Wikidata ]

Abraham Lincoln, nado preto de Hodgenville, Kentucky, o 12 de febreiro de 1809 e finado en Washington o 15 de abril de 1865, foi o 16º (1861-1865) presidente dos Estados Unidos e o primeiro presidente do Partido Republicano dos Estados Unidos da América.

Traxectoria |

Primeiros anos |

Naceu nunha familia de condición humilde, no Condado de Hardin, próximo á cidade de Hodgenville, Kentucky, e exerceu diversos oficios manuais ata poder estudar leis, abrindo seguidamente despacho en Springfield.

En 1816, a súa familia mudouse para o estado de Indiana, onde Lincoln viviu dos sete aos 21 anos. O seus estudos, segundo as súas propias palabras, resumíanse, nesa época, a saber ler, escriber e facer as catro operacións. No estado había escaseza de libros e papel, e a Biblia era probabelmente o único libro existente en casa dos seus pais. Lincoln estudouna a fondo, vindo máis tarde a enriquecer os seus discursos e traballos escritos con citas bíblicas. En 1831, Lincoln mudouse para a aldea de New Salem, no estado de Illinois, empregandose como dependente nunha tenda. En New Salem, onde viviu case seis anos, fíxose carteiro e máis tarde foi elixido deputado por Illinois (1834-1840) e membro do Senado (1844-1848).

Durante o seu segundo mandato na Asemblea, Lincoln comezou estudar Dereito e completou a súa formación, tomou libros emprestados, estudounos e, en 1836, obtivo licenza para exercer a avogacía. No ano seguinte mudouse para a nova capital do estado, Springfield, onde, xuntamente a outros, constituíu un despacho de avogacía. En 1842, casou con Mary Todd e, dous anos despois, montou un novo despacho en sociedade con William Herndon. Esa sociedade xamais se desfixo. A práctica da avogacía en Illinois non era especializada no tempo de Lincoln. Durante seis meses cada ano, Lincoln integraba os tribunais itinerantes do estado percorrendo varios concellos e aceptando os casos que lle presentaban. A súa actuación como avogado fíxoo coñecido en todo Illinois. En 1846, foi elixido para a Cámara de Representantes federal. De 1847 a 1849, Lincoln actuou no Congreso, onde se fixo impopular por causa da oposición que fixo ao presidente James K. Polk, culpándoo pola guerra con México. Desistiu de tentar a reelección e volveu exercer a avogacía. Unha súbita mudanza na política nacional en relación á escravitude trouxo Lincoln de volta á política. O Acordo do Misouri prohibira, en 1820, a escravitude nos novos territorios situados ao norte da fronteira sur do Missouri. En 1854, o senador Stephen A. Douglas presentou unha lei para organizar os territorios de Kansas e Nebraska que repelía o Acordo do Missouri, establecendo que os colonos deberían decidir se desexaban ou non a escravitude. Lincoln era contrario a esa lei. En 1858, disputando un posto ao Senado con Douglas, Lincoln desafiouno nunha serie de debates arredor da extensión da escravitude nos territorios libres. Lincoln perdeu as eleccións, mais transformouse nunha figura salientable na nación, posibilitando así a súa candidatura á Presidencia en 1860, tendo estado esa actuación relacionada, tamén, coa fundación do Partido Republicano dos Estados Unidos da América en 1854. En 1860, a asemblea nacional republicana presentouno como candidato á presidencia da nación.

O Goberno de Lincoln |

Lincoln Memorial, en Washington

A marcha dos acontecementos acelerouse no Sur durante os meses que antecederon a toma de posesión de Lincoln na Presidencia. Varios líderes do Sur ameazaran retirar os seus estados da Federación, no caso de que Lincoln gañase as eleiccións. Cando el tomou poseión, en marzo de 1861, sete estados do Sur retiraranse e máis catro fixeron o mesmo despois. Eses estados formaron, entón, a Confederación dos Estados de América. A pesar de ter intentado un esforzo extraordinario de conciliación, a súa escolla electoral para aquel cargo provocou a eclosión da Guerra Civil Americana. O 12 de abril, os confederados bombardeaban o forte Sumter. Lincoln enfrontou a crise con enerxía: decretou o bloqueo dos portos suristas e aumentou o Exército alén dos límites impostos pola lei. Despois de perderen as primeiras batallas, os nordistas acabaron por vencer a guerra, a cal durou catro anos e deixou un saldo de 600 mil mortos. A pesar dos fracasos iniciais e da consecuente impopularidade, Lincoln xamais se deixou abater. Para el, os E.U.A. representaban unha experiencia da capacidade dun pobo para se gobernar a si mesmo. No caso de que fallase, os reis, os ditadores e os seus defensores poderían dicir que o pobo non era quen de ter autonomía e que alguén debería gobernalo. Lincoln xulgaba que na Guerra de Secesión estaba en xogo o destino da democracia mundial. O 22 de setembro de 1862 publicou a proclamación que concedía a liberdade aos escravos dos Estados confederados. Aos ollos das outras nacións, a libertación deu un novo sentido á Guerra e abriu camiño para a abolición da escravitude en todo o país, en 1865. En 1864, as vitorias dos nordistas posibilitaron a reelección de Lincoln, cuxo novo mandato tivo inicio no ano seguinte.

O asasinato |

Litografía do asasinato de Lincoln

O 1 de abril de 1865 remataba a guerra civil. Na noite de 14 de abril de 1865, algúns días despois do término da guerra, Lincoln foi asasinado no Teatro Ford, en Washington, Distrito de Columbia, mentres asistía a unha peza. O sudista X. W. Booth, o asasino, un dos actores máis coñecidos da época, desfechou un tiro na cabeza do presidente, que morrería na mañá do día seguinte. O actor era un defensor da causa sudista na Guerra de Secesión. Encanto ocupou a Presidencia, Lincoln foi duramente criticado, mais, despois da súa morte, ata mesmo os seus inimigos eloxiaranlle a grandeza de espírito e abnegación. É ata hoxe unha das figuras históricas máis admiradas nos E.U.A. Lincoln foi substituído no cargo polo vice-presidente Andrew Johnson.

Moitos dos seus discursos e traballos escritos constitúen un clásico sobre os ideais e obxectivos democráticos.

Véxase tamén |

Commons ten máis contidos multimedia sobre:  Abraham Lincoln

A Galicitas posúe citas sobre:  Abraham Lincoln

Bibliografía |

• 
  Boritt, Gabor (1994) [1978]. Lincoln and the Economics of the American Dream. University of Illinois Press. ISBN 0-252-06445-3. 
  


• 
  Bulla, David W.; Gregory A. Borchard (2010). Journalism in the Civil War Era. Peter Lang Publishing Inc. ISBN 1-4331-0722-8. 
  


• 
  Carwardine, Richard J. (1997). "Lincoln, Evangelical Religion, and American Political Culture in the Era of the Civil War". Journal of the Abraham Lincoln Association (Abraham Lincoln Association) 18 (1): 27–55. Arquivado dende o orixinal o 24 de novembro de 2009. Consultado o 10 de maio de 2013. 
  


• 
  Carwardine, Richard (2003). Lincoln. Pearson Education Ltd. ISBN 978-0-582-03279-8. 
  


• 
  Cashin, Joan E. (2002). The War Was You and Me: Civilians in The American Civil War. Princeton University Press. ISBN 978-0-691-09173-0. 
  


• 
  Chesebrough, David B. (1994). No Sorrow Like Our Sorrow. Kent State University Press. ISBN 978-0-87338-491-9. 
  


• 
  Cox, Hank H. (2005). Lincoln And The Sioux Uprising of 1862. Cumberland House Publisher. ISBN 978-1-58182-457-5. 
  

Ligazóns externas |

• 
  Traballos seleccionados de Abraham Lincoln (en inglés)
  


• 
  The Lincoln Institute (en inglés)
  


• 
  Mr. Lincoln's White House (en inglés)
  


• 
  Mr. Lincoln and Freedom (en inglés)
  


• 
  Mr. Lincoln and Friends (en inglés)
  


• 
  Mr. Lincoln and New York (en inglés)
  

v c e Presidentes dos Estados Unidos de América 1789-97: George Washington 1797-1801: John Adams 1801-09: Thomas Jefferson 1809-17: James Madison 1817-25: James Monroe 1825-29: John Quincy Adams 1829-37: Andrew Jackson 1837-41: Martin Van Buren 1841-41: William Henry Harrison 1841-45: John Tyler 1845-49: James K Polk 1849-50: Zachary Taylor 1850-53: Millard Fillmore 1853-57: Franklin Pierce 1857-61: James Buchanan 1861-65: Abraham Lincoln 1865-69: Andrew Johnson 1869-77: Ulysses S. Grant 1877-81: Rutherford B. Hayes 1881-81: James A. Garfield 1881-85: Chester Arthur 1885-89: Grover Cleveland 1889-93: Benjamin Harrison 1893-97: Grover Cleveland 1897-1901: William McKinley 1901-09: Theodore Roosevelt 1909-13: William H. Taft 1913-21: Thomas W. Wilson 1921-23: Warren G. Harding 1923-29: Calvin Coolidge 1929-33: Herbert Hoover 1933-45: Franklin D. Roosevelt 1945-53: Harry Truman 1953-61: Dwight D. Eisenhower 1961-63: John F. Kennedy 1963-69: Lyndon B. Johnson 1969-74: Richard Nixon 1974-77: Gerald Ford 1977-81: Jimmy Carter 1981-89: Ronald Reagan 1989-93: George H. W. Bush 1993-2001: Bill Clinton 2001-09: George W. Bush 2009-16: Barack Obama 2016-: Donald Trump